بقصايد خايفه لاتكتب اسم حسين=للقمه شيوصل رجل مجهوله صدر حسين بابه الماتقفله الريح=جاي اتريد اكتبه بورقه مقفوله بجيش الافترا حلكك برتبة زور=بمعركة الحجي يانصر التنوله الحلك المفتري بي نلكه نص لسان=وتحت سن الصدك كل حجي اليكوله طعن ستر الجمال وحلف بالقرآن=على الشامه العفيفه يكول فالوله ثلثين الالم عالجرح يطلع كون=لان بين الجرح والالم جم خوله مالوم الحجي وباللسن ادري الصوج=الراعي البي ذنب مالوم ماصوله طعم السمع ماصخ ادري من اسنين=الملح البلقصايد ذمته مشكوله لأهل بيت الشعر ما بقت حرمة بيت=اثاث البيت صورة وصفت منقوله الشاعر كون يهتم بحلات البيت=كبل بيته الحلو ليحظر اللوله صح لوحات اكو وشكثر رسامين=رسموا لكن بألوان مشلوله فقر دم الشعر يبس حروف البيت=بمكان الورد زرعوا كل حرف جوله وانا ساتر دفو جي اكتب اعله حسين=جيوش البرد يمي اطيح مذهوله انا طولي الهوى ولهذا زحمه وياي=اوكف ضد شخص جرت نفس طوله شكل للشعر باجر كون ندي اتصير=انا هوسة عراضه وانت هلهوله ما تعطش ورقتي يا امير الماي=وحشه لمحبرة اميه اتصير مذلوله الكتب لحسين امام الورد كون يصير=امام الورد كفره اتقوده عاكوله حسين يريد نرسم كربله بكل بيت=وعلى طول القصيده انحور مشتوله وما نوأد قصيده خشية الجمهور=وشيطان الاعد منصدك اللي يكوله ابو كعد الرعيع يظل عبد للموج=وبلسان العبد ندري النعم سوله انظر كربله مورمل بحر سيوف=بلائه حسين ذلهه وصارت اسطوله حسين يريدنه نخسر سباق الخوف=ولا ننزل لوادي المرتبه الاوله واذا خيول النقد داسن بصر البيت=الضد صدر الحسين اشفادت خيوله بصلب نحرالقصيده كون بس ثورات=نحر ثورات ينجب ما يكدروله حسين يريد منصفك مثل عباس=بمرادم الروس اعدا يصفكوله