كبرت بأذني القصيدة بأعلى صوت=كوم حي على الكتابة بلا مفر كوم وتوضوة بقوافي ال الرسول=وسبَح بسيرتهم بأجمل صور مو قصيدة اللي تدك باب الكلب=كون من همهه الجمر والله استعر بلاية رخصة تفوت تدخل للكلب=القصيدة الليل المتعب السهر القصيدة ومستهلها حسين حي=بفضل زينب ماحنى الدين الظهر ولو نجي ونتبع احداث الزمان=نلكة جمَع من الحقايق والعبر نشوف ادم عانة من وقع الذنب=نوح نلكا عانة من لوعة وخطر صادف ابراهيم دوامت عذاب=ويوسف من اخوانة شاف اقسى وامر ودم دمع يعكوب سال من العيون=وطفحت بذنون لوعات القدر هذا كلة كطرة من بحر الطفوف=وما اظن واحد مثل زينب صبر صبر زينب ذهل عقل المستحيل=وبصبرهه الصبر والله افتخر ما بجت زينب ولا هلت دمع=حسين طاح الدمع من وحدة انتحر ولا تكلي الجيش هزهه مستحيل=من صبرهه الجيش واللة انكسر النبي يعكوب عندة اجم ولد=منجل يوسف فكد يعكوب البصر وهو يدري ابنة عايش لايزال=ماكلاة الذيب لادمة انهدر وزينب اسبعطش في طف كربلاء=اتشوفهم من طاحو وصارو وذر مابجت زينب ولاهلت دمع=ابد ما لطمت ولانثرت شعر ما عمت زينب لمن طاح الحسين=ولا عمت من طاحو السبعة عشر ربي خذ قربانك القدسي حسين=بفضل تضحية ترى الدين انتصر وين من زينب اذن يعكوب صار=يعني شدتها تفوقهه بكل ظفر ماعمت زينب لان نور الحسين=من يمر على الاعمة يرجعلة النظر