أبو طالب رضوان الله عليه أبو طالب شمس والدنيه جانت ليل=وأسلامه الحقيقي شايله ابگلبه شلون أتكول مشرك أنظرأنته وشوف=وأمجاد النبوه بحضنه تتربه كفيل أعظم رساله بعالم التكوين=شلون أتگول مشرك ماسعه ولبه تاريخك ورق مكتوب بالمگلوب=وأبو طالب علم ما تگدر أتسبه عم أشرف نبي فسرهه گلي أشلون=مشرك مات ليش ومنغفر ذنبه بكيفك مو بكيفك هذا واقع حال=والتاريخ أسود وانته المخربه أبو طالب بحر متحده كل حدود=ومايك ما نشربه وحدك أتشربه وأنظر بت أسد فاطمه شلون يصير=هي موحده الاسلامهه أتحبه يقبلهه العقل أحسبهه أنته وياي=وأبو طالب يموت وما عبد ربه شلون أبنه علي حيدر وداحي الباب=ذاگ المايثني بساعة الضربه شلون يصير أبنه يعادل القرآن=وأبوه كافر يموت ومشرك أتحسبه شلون يصير أبنه الضحه لجل الدين=وشال الدين كله وما حسب تعبه شلون تريد تقنع أنته هاي الناس=وهاي الناس فهمت عرفت اللعبه شلون تريد أنته تغير التاريخ=والتاريخ كله أتشيله وتذبه أسلام وعباده وخالق وتكوين=تنكرهن هذني ما اظن صعبه أذن اقبل الواقع والكلام هواي=ماريد انه احچي وكلمن بدربه أبو طالب سؤال وباقي بالاذهان=شلون ابنه علي يطلع ومن صلبه جاوب عالسؤال واقنع انته الناس=شفت كافر وابنه انولد بالكعبه