ننعاك بحزن ننعاك=يالمصطفى وماننساك حزنك سيدي اشكبره=وانادي يبو الزهره باقي وبالگلب ذكراك بدموع والم حسره=ننعاك وتشب النار وسط الگلب لوعه=وآه لجلك يالنبي المختار يالتحمل اسرار الكون=وياك اختفت لسرار بس حيدر يبو القاسم=حافظهن علي الكرار وناسك ما وفت عهدك=من ارحلت من بعدك گلب المحب شيصبره=وانادي يبو الزهره باقي وبالگلب ذكراك بفگدك يالنبي الافلاك=تنوح وتنعه بسماها والكون بحزن لجلك=يبچي وينعه وياها مصيبه وما مثلها تصير=غيابك يالنبي طه سمانه والارض كلها=تموج الباري خلاها ومن حگنه نصب دموع=عليك وكل گلب مفجوع غيابك بالگلب حسره=وانادي يبو الزهره باقي وبالگلب ذكراك دمعات الحزن لجلك=من العين نجريها وصدور التدگ اعليك=دم تنزف نخليها للزهره وعلي الكرار=وللعتره نواسيها لمحبتكم نبيع الروح=ياسيدي ونشريها يالهادي والك بالروح=حسره والگلب مجروح لجلك ياضوه العتره=وانادي يبو الزهره باقي وبالگلب ذكراك ننحب والدمع يجري=وننزفلك نظل ادموم بلوعه والالم بالروح=بعدك والگلب مالوم غيابك والدمع والآه=والحسره وحزن وهموم كلها اتجددت كلها لجلك=يالطحت مسموم مسموم وطحت قربان=للدين أبرضه الرحمن الشخصك سيدي انخسره=وانادي يبو الزهره باقي وبالگلب ذكراك قربان وطحت للدين=والدين انولد لجلك والدنيه السمه الأكوان=انخلقت من اجل أهلك الما قر وعرف بيكم=يهلك سيدي يهلك انتوا النور واهل النور=وانتوا النيه والمسلك واحنه اعله العهد باقين=وبهذا الدرب ماشين وكل واحد نذر عمره=وانادي يبو الزهره باقي وبالگلب ذكراك