بحزن ننعاك=وماننساك ياعزيز الزهره بدمع ننعاك اليوم=وبگلبنه المالوم تبچي لجلك ادموم=هاي كلها احبابك بالسمه نور اتلوح=وبگلبنه المجروح انوح لجلك انوح=سيدي وبمصابك هاي العيون=تبچي والكون ياعزيز الزهره نزل جبريل وصاح=والحزن عم و لاح راح ياحيدر راح=ابن عمك طه والسمه اتصب ادموم=بيوم طاح المسموم اعليك يا طه اليوم=والحزن غطاها بگلب مجروح=تبچي وتنوح ياعزيز الزهره بالحزن ودعناك=ونار تسعر فرگاك وبدمعنه ننعاك=شلون ننسه أيامك والعهد خطيناه=بلوعه وبحسره وآه وألك نبقه و الله=بكل شرف خدامك نور الأكوان=تبقه عنوان ياعزيز الزهره شلون حال الكرار=بيوم طاح المختار بالگلب تسعر نار=وبدليله اللوعه من اجا سيف البين=گبله صاب ابو حسين والدمع غطه العين=وماتجف ادموعه والحزن لاح=حيدر وصاح ياعزيز الزهره