الگوم السمتك والضربتك بسهام=نفسها الأخذت أختك يالحسن للشام الگوم السمتك والوذرت چبدك=والطبرت ابوك وحاربت جدك نفسها الذبحت المظلوم من بعدك=وظل اعله الترب وحده ثلث تيام الگوم السمتك نفس الاجت عالدار=للزهره وابوك المرتضى الكرار شبوا بيها نار بكل حقد لشرار=ما تبرد صداها اتجدده الايام الگوم السمتك والطالبت بالدين=والخلت دمعنا الهسه وسط العين نفسها الحاصرت اطفال اخوك حسين=وما گالوا عليهم ذوله هسه أيتام الگوم السمتك يالحسن ما تنراد=كل نصحك ابد وياهم و لا فاد نفسها العادتك عادت ابو السجاد=ما عدهم رحم يالحسن هالظلام ما كفاهم السم السره بجسمك=ولا ضرب النعش بسهام التألمك ولا باب وكسر يالحسن ضلع امك=ولا كل الدموع و لا گلب محتام نظل نبچي لمصابك وبألم عبره=ونواسي اعله فگدك فاطمه الزهره فراگك بالگلب ياسيدي اشكبره=نتجرع غصص بغيابك وآلام