نــور مــن الـنـبي شـمـامته وشـوفـه         ونــبـضـات الــدلـيـل اورده بچفــوفـه
حـجه مـن الإلـه اعـله الإنـس والـجان         نـفـثـة روح طـــه ودمــعـه مــذروفـه
هـــذي الـمـاينام الـمـصطفه ويـرتـاح         اذا مـامـر سـكنها وكـل مـسه يـطوفه
بـضـعة مـن الـرسول وزوجـة الـكرار         واســـرار الـكـتـاب ونــاصـع حـروفـه
نـصـبـها الإلـــه الـتـاج فــوق الــراس         حِــرزْ مِــنْ الـزِمـان اوحـالك صـروفه
جـيـنا انـهـني هـالـليله الـنبي الـمختار         والـمـخـتـار مـيـسـد بـــاب لـضـيـوفه

يـاصـرح الـطهارة الـتحف بـيه أطـهار         والـمـا بــي طـهـاره يـهـجره ويـعوفه
قصة انتي النسجها المصطفى المختار         غــدت اشـهـر روايـه واحـلى سـالوفه
إلچ هـالـيـوم تـتـوجـه الـبـشـر تـهـواچ         ولـنـبـعچ عـطـاشـه الـبـشـر مـلـهوفه
كـل شـيعي نـشوفه مـن الـفرح غنَّاچ         يــتـهـادى الــفـرح بگلـيـبـه مـعـزوفـه
قــرآن إنـتـي يـهـدي الـيـفتهم مـعـناه         وخـسـران الـيـركنه مـسـجَّه بـرفوفه
والـيمشي لـحياضچ يـحضه بـالرحمات         يـتـلاشـه ويـــذوب ويـنـمـحي خـوفـه


لاشــك مــن يـوالـي الـيوم آل الـبيت         تــظــل انــوارهـم تـتـلالـه بــسگوفـه
والـمـنـكم تــعـب واتـحـمـل الأعــبـاء         نگلــــه يـالـعـزيـز الـتـعـبه مـخـلـوفه
والـيـخدم الـزهره مـانشك مـحضوض         چن كـعـبه الـمـلايك تـقـصده تـطـوفه
هـذي ام الـحسن سـيدة نـساء الكون         ورده مـــن الـجـنان لـطـه مگطـوفـه
دُرَّه مــــن الإلـــه أهــداهـا لـلـمـختار         أعـطـاها لـرسـوله وتـضـوي بچتـوفـه
وصــارت أمــه الـزهـره وفـرح دنـياه         گلـبـه الـلـيِّ يــدگ ورويـحته وشـوفه

وآنــا الـيـوم لـلزهره الـتجيت مـشيت         وجـــرح عـــداي بـيـها الـيـوم داويـتـه
وكل شرخ التشگه اهل النصب هاليوم         بـــآل الـمـصـطفه والــزهـره شـلـيَّته
حـبـهم بـالـقلب بـلسم يـداوي الـروح         چن مـــاي الـعـذب وبـصـحره لاگيـتـه
عــذب بــارد شـفـتهم وإلـهـم تـعنيت         زلال انــهــارهـم بگلــيـبـي حـسـيـتـه
چم واحــد لگيـتـه بـغـيرهم مـغشوش         لـلـمـايسوه نــكـسّ شـــرف بـيـريـته
وچم واحـــد يـعـانـد زلَّـــه الـشـيطان         مــن ذاكـرتي شِـلته مـسحته ونـسيته
ويـاما عـداي نُـصبت فـخخت الـدروب         بـسِـمْ طــه وعـتـرته الــدرب عـديـته
والـخـالـفني ظــل مـتـعجب ومـبـهور         يِـضَـرْب اخـماس بـسداس آنـا خـليته

والـمـاسار ظــل واگف بــدرب الـغير         بـــي مــريـت طـفـته سـنـين عـديـته
گلــبـي بـحـب مـحـمد وآلــه الأمـجـاد         مـــن نــبـع الـــولاء ازرعـتـه سگيـتـه
عـلي وي فـاطمه والحسن ويا حسين         أجــمــل مـاكـتـبت بگلــبـي خـطـيـته
آنــا الـشـيعي مـفـتون بـعـلي الـكرار         وحـب غـير الـوصي مـن الروح سليته

آل الـبـيت نــور الـيـضوي كـل الـكون         لـكـل مـسـلم مــن الـمـعبود عـيـديته
والـمـايـسگي مـنـهم گلـبـه يـالأحـباب         مِــــنِ الآحــيــاء مـاسـجـلـته عـديـتـه
واجـــب نـلـزم بــآل الـنـبي الـمـختار         لـئـن طــه الـلـي وصـانـا بـأهـل بـيته
لـهذا انـذرت حُـبي وعـشگي لـلأطهار         وعـلـى عِــشْگ الايـمـه ولـيدي ربـيته
ولـنـهم جِـسـر لـلباري مـدى الأزمـان         يُـعْـبُر بــس جـسـرهم إبـنـي وصـيـته
مــاخـاوي الـبِـعَدْ مـاصُـفْ ابــد ويــاه         والــيــتگرب الــهـم دهـــري خـاويـتـه
بـعـت كــل الـجناسي وهـاجرت لـلآل         هـنـيـاله الــلـي آل الـبـيـت جـنـسـيته