شجاه ناعي الحزن ينعه= وابد ما نشفت ادموعه محمد باقر المفگود =عليه الشيعه مفجوعه صوبنه الدهر بسهام= خله العين تهمل دم بعدنه الوائلي ابحزنه =ومن مأتم لعد مأتم ولن ناعي الحزن ينعه =سور العالي اتهدم وكل شيعي يهل ادموم =منه امهشمه اضلوعه عمالقة الفكر راحوا =خساره وعيب تتعوض عليم بس نجر حسرات= حادي الحزن ما ريض راح الوائلي وعلمه =ولسانه الچنه بيه ننهض ومصاب اللي فجعنه اليوم =هز الكون وربوعه مصاب اللي دهانه اليوم= ادمه من العيون جفون كل شيعي انحنه ضلعه =من عنده تهل عيون الضحه لجل هذا الدين =عليه الدين ظل محزون سياسي وكل صفات الدين= بيه اصبحت مزروعه محمد باقر اللي راح =حزنه هز مضاجعنه عليه انجدد الاحزان =بس تجري مدامعنه علم عالي سگط للدين= وبفگده تروعنه شجاعه وهم كرم واخلاق= ابجبينه هاي مطبوعه نعزي غايب الامه =ونعزي رجال الدين محمد باقر المفگود =ومجموعه من المصلين اببابك ياعلي الكرار =نالوا شرف دنيه ودين الشهاده اتوسموا بيها= اجمل واجل مجموعه ونعزي عالم الإسلام =ونعزي اهل النجف بيهم ونعزي كل رجال الدين= ونعزي اهاليهم وللجرحى الشفاء التام= ابعالي الصوت انناديهم بجاه الحرگوا اخيمها= ميشوفون كل روعه وكل هذا المرار المر =بيه انعزي المهدي نظل ياسيدي چم دوب =عندك نشچي ونبدي ويظل حادي الحزن بينه= يبن العسچري يحدي وكل منه ينتظر ليك =لاچن تجري ادموعه حگها الشيعه من تحزن= ومن تجري مدامعها ما نزعت اهدوم السود = دوم الدهر فاجعها ومصاب آل الحكيم الصار= وحزنه اشكثر روعها وتبقه اتعيش بالاحزان =ومن لوعه لعد لوعه واجينه بحزن وبآهات =اجينه انعزي الساده ابفگدك يللي تنتظر= الشهاده وبيها الك راده واليستشهد الدينه =وسام الولده واحفاده حيث التضحيه للدين =دوم اتصير مشروعه