خادم منبرك يحسين شيعناه=بدموع الحزن يم حيدر ادفنناه عله اطراف الاصابع والدموع اتهل=شلنه النعش مفجوعه عليه الكل علم للشيعه عالي بالفخر يرفل=بالحسره اودموع العين ودعناه ابمدامع جاريات اتشيع وحسرات=سكن جاور علي الكرار ابو الحملات ابد ما مات باقي الوائلي ما مات=وعلمه بكل مسيه نسمعه ونقراه من ياباب اوصفه تعجز الاوصاف=عنه اشكتبت اهل العلم والانصاف الوائلي ابعلمه اتحققت اهداف=بحرزاخر نشوفه بعلمه وبمغزاه لسان الشيعه والاسلام ما ينكر=والاسلام حگ بالوائلي يفخر هذا اللي تغده من علم حيدر=بعموم الكره الارضيه يرف الواه تبعد عن بلاده وعاش حفنه اسنين=عاش امعزز امكرم خدم الدين لچن يتمنه چان ايزور گبر حسين=وعلى الشباچ خده يعفره وينعاه ابعصرنه ابد ما مثله اجه انسان=حصل هالوسام ونال هالعنوان لسان الشيعه اصبح فارس الميدان=والمنبر بفگده اليوم عزيناه بعصرنه ارقى خطيب اللي ارتقه المنبر=وبصوته الجميل اعله المله جهجر عميد اسرة المنبر والدهر يفخر=بالوائلي وعلمه وشعره وطرواه ونعزي عالم الإسلام هذا اليوم=ابفگد الوائلي ونهل عليه ادموم نشرنه اعلام سود وكل گلب مهضوم=اعله فگد الوائلي والحزن جددناه خدم باخلاص دينه اوحافظ اعله الدين=سته اسنين عمره وجاوز السبعين خدم منبر ابو اليمه الشهيد حسين=بعصرنه اشهر خطيب سمعنه وعرفناه من جامع الازهر بامتحانه فاز=وبجهده الدينه قدم الانجاز حيث اول شهاده الوائلي من حاز=وهو اول خطيب الحاز دكتوراه