الك تاريخ يبن المصطفى المختار=اعجز من اوصفه ابكل مضامينه الدهر گبلي يبو الاحرار بيك احتار=ابشخصك من يوصفه يعجز تدوينه الك تاريخ خالد بالدهر يحسين=عجز كلمن يوصفه وما وصل حده من مثلك فده ابروحه لجل هالدين=الهذا السبب شخصك خالد ابمجده فديت اسباطعش واثنين والسبعين=وياهو المثل شخصك قدم العنده وياهو المثل شخصك يبن حيدر ثار=وقدم هالضحايه الكل لجل دينه معروف ابثورته حسين ابوالاحرار=لعد يوم الحشر تبقه قوانينه فروع الدين كلها ابنهضتك يحسين=انحفظت يبن حيدر من وصلت الطف الصلاة حين القمتها بين هالصفين=قمتها والحرب صف يتابع صف مثل حيدر ابوك المرتضى ابصفين=حافظ على الإسلام وهو بيه اعرف عليها حافظت يبن النبي اباصرار=تريد الدينك تحافظ موازينه وتريد الدين ثابت يظل ما ينهار=اشما طال الزمان اوطالت اسنينه وبعد ثاني فرع يبن الشطر مرحب=الصيام وچنت صايم انته ذاك اليوم اقوه من الدهر يحسين چنت اصلب=تحديث المنايه وما تحمل اللوم موحگه الدهر من بيك يتعجب=مثلك ما نوحد والواحد القيوم ابربوع الطف يبن حيدر الك شنيار=الك صرخة الطريق الحق تدلينه ما سالم علينه اشما يصير وصار=وللذل ما نمد ابداً أيادينه الثالث من فرع الدين اديته=الخمس دمك الطاهر يافخر عدنان عهد منطيه وهذا العهد وفيته=الباري الكون وانته بكربله عطشان ارمقت طرف السمه وبصوت ناديته=خل ينهدر دمي سي الرحمن بس الدين يبقه اشما تمر ادوار=وانه واخوتي هالحال يرضينه هذا الدين نرويه من دمانه اعبار=ومن نعطش نرويه ويروينه الرابع من فروع الدين يامولاي=الزكاة وانته زكاتك صدرك المكسور بروحي افديك يللي ما شربت الماي=وعلى امصابك حزنه من يهل عاشور وكل مجلس الحزنك بيه تهل عيناي=لمصابك كل گلب ياسيدي مجمور والحج من سعيت اوبيك تلهب نار=صحت لبيك واحنه وياك لبينه صحنه بصوت كلنا انضحي بالاعمار=واحنه ابخدمتك والله تباهينه الجهاد الجاهدت وبروح ثوريه=ولجل الدين من امرت بالمعروف وعن المنكر انته انهيت قطعيه=بولائك سيدي انته چنت موصوف وعد جدك وابوك اشالك قدسيه=اليبغضكم تبغضه ومتهاب الخوف وساطه يقدمله كلمن ضريحك زار=لعد باري السمه وببيكم تنخينه وبجاه الوديعه اوجاه راعي الثار=الولايه انريد بس حبكم ينجينه