شوكت راعي الثار ينهض= وين ابن حامي الحمه يطفي نار الدوت بينه= البالضماير مظرمه اشوكت تنهض يلمغيب= تطفي نيران الفتن انگوم من محنه يغايب= نوگع ابعدة محن واشد محنه الطحنه بيها= سيدي ابهذا الزمن ميفهمنه الحكم بينه= شلون احنه نفهمه سيدي تسمحلي اسولف= يبن فاطمه البتول احنه اصل هاي الحضاره= صرنه يالمهدي ذيول القيم راحت ويه اهلها =وابد ما ظلت اصول والعدل طاح اعله وجهه= وسيفك اللي ايقومه يروي التاريخ النه =نمر احنه ابها لعصر خوف وارهاب اومآسي= وقهر ياشبل الطهر بعد واعظم كل مصيبه= اننام نگعد عالجمر واللي ينصحنه نرفضه= وبالكلام انهاجمه كثر عدنه الجهل واحنه=انگول هذا مو جهل وكل فرد منه ابحياته= اظن يالغايب فشل الما يحفظ الدين هذا= ما ينفعه كل عمل لا قيم لا دين عنده =وشهر عالحق صارمه سيدي والصار بينه= الثقه انشالت ياغيور الجار ميامن ابجاره =گمنه عالباطل ندور سيدي انحشمك الدينك= تظل صابر ما تثور انهض الثارك وياهو= بالبديه اتحاكمه سيدي ابجاه الوديعه= وبكسر ذاك الضلع اسرع اوطلب ابثارك =وادري گلبك منفجع سيدي ياگلب اكثر =بالمصايب منصدع اظن بس گلبك يغايب= هالمصايب تلچمه سيدي ابامك احلفك= لا تسامحهم ابد لا جبير امن آل اميه= ولا زغير البالمهد ابكربله اشذبحوا اميه= وانته ادره بالعدد وبالطفوف حسين جدك= تنسه نار امخيمه سيدي والصار بينه= ياذخر للعسچري الحياة النمر بيها =اليوم امر امن الشري سيدي بالباطل احنه= بيع گمنه ونشتري سيدي وتدري بادينه= املطخه ابفيض الدمه بين سنه وشيعه وسفه= والبشر يذبح بشر واحنه گلنه اسلام اخوه= واشعمل بينه الدهر خلي نتكاتف اوگلنه =ندفعه الهذا الخطر نصير گلنه ايد وحده= ونگطع ايد المجرمه كافي اللي صار بينه= گبل ما نخلص ذبح اكبار ما عدنه اومراجع= لو گلب ماكو سمح كلها موجوده ولاچن= احنه ابد ما ننصح وهذا تالي اشصار بينه= وربحت احقر شرذمه وندعي اسلام احنه= لچن منطبق الإسلام لا عداله و لا كرامه= وعدنه ما يحصل ونام بينه صارت هالمجازر= ما نامن من ننام والشعل هالفتنه بينه= شتظن نكدر نلزمه بالتكاتف والتآخي =و گلب واحد نستفيد والكرامتنه انحفظها =من نحط أيد اعله أيد نحفظ اجيال البعدنه =عاد خل نحسب بعيد الراد حرب الطائفيه = كلنه خل انقاومه