انصبنه ابشهر رمضان باعظم رزيه=حين انطبر بالسيف حامي الحميه بتسعطعش رمضان والله انفجعنه=بمصاب ابو الحسنين احنه ضلعنه انعزي الحسن وحسين ويهل دمعنه=وكل فاطمي انعزيه وكل فاطميه حين الهتف جبريل وجه الفجر صاح=بسيف القدر ياناس حامي الحميه طاح اظلم الكون اعليه حته العرش ناح=واهل السمه ينوحون واهل الوطيه هاي اليتامه اتصيح منهو النه بعدك=وتيتمت وتنوح كلها اعله فگدك ومدلله الايتام مهيوبه عندك=بيا حاله راح اتصير بين البريه ذاك الفجر عالناس ياريته ما طر=ولا شفنه يوم البيه فگدك يحيدر اظلم هذاك اليوم والجو تغير=ما مثله يوم يصير بين البريه من مسجدك شالوك ومعصب الراس=وانفجع بيك الدين ياراعي الباس ويه الحسن وحسين تتناحب الناس=ونت يحامي الجار ونه خفيه شالتك فوگ الروس ولدك يكرار=تمشي وتهل ادموع متعنيه للدار نزلوني امشي النوب واتحمل اضرار=ولاتدري زينب كون بالجره عليه وبليلة العشرين ليله عصيبه=محمد رواها اوصاح وكثر نحيبه الاصبغ بذاك الليل عنده مصيبه=ما بعد عن الدار ونته شجيه ابون ونحيب الليل بين صباحه=واصبح هذاك اليوم ون ونياحه واليحب حامي الجار يصفگ الراحه=وگبلك يبو الحسنين راد المنيه وامرت ياكرار ولدك يحضرون=اجتمعوا ابذاك الليل وتهل العيون لاچن يبو الحسنين عرفواالمضمون=هذا الوداع وهاي آخر وصيه