اهنا يالتطلب الحاجات= اطلبها امن اهاليها لبن موسى ابن جعفر روح= همومك كلها يجليها من الكاظميه ليك= اجينه اليوم متعنين الوساطه عودك ويانه =وعضيدك والفگد چفين عندك نشتچي همنه =ونعرفك ظنونه الطيبين واليجيك ابطلب حاجات= كل حاجته تگضيها من ارض طيبه اطلعت =خايف گمت تمشي بظلام الليل ما تدري لوين اتروح =وعندك ما بگه كل حيل تدور حي تامن بيه =وجدك خادمه جبريل وعدكم يأمن الخايف = والشارده ما مأذيها مثل هضمك ابد ما صار =ابعصرك چان چم فرعون رايد چتلتك وخله= عليك اشكثر تربي عيون وچم شاب البني هاشم =ابطاموره وسجن مسجون وقسم الشارده من الخوف= بنوح اعليها ناعيها وصه بيكم الهادي لچن= سووا عكس ماراد شردوكم بني العباس =وصرتوا كل گبر ببلاد ابطوس اوكربله ومشهد= وبسامره وبغداد الحزنكم تنحب الشيعه =ومتبطل بواچيها ونرد اردود للقاسم =عله امصابه نچيم النوح مصابه صوب الدلال =خله اشكثر بيه اجروح الغربته اوطفلته الظلت =عليها ون حمام الدوح يتيمه عگب والدها= لهلها من يوديها المصايبكم يهل هالبيت= نون ونجذب الحسرات حزنكم ما يبارحنه =وحگ المشت للشامات على حبكم تواصينه =الحي واليجي والمات محبتكم فرض واجب= علينه ايكون نديها المصايب هاي كلها اتهون= خل الكربله انعرج ابضمايرنه نشوف النار= مثل نار الخيام اتوج ما تطفه تظل هالنار= بينه تاكل وتحرچ ونا ر اللي دوت بينه =ابو صالح يطفيها كافي الصبر يالغايب =چم عتبه الك چم ثار نسيت الصار باجدادك =نسيت الضلع والبسمار ومصاب الماظن تنساه= حين الخيم شبت نار عفه گلبك اشبيه اهموم =المصايب كلها حاويها واختم واسال الله ايكون= ابجاه البضعه الزهره المريض ايمون يتشافه =ابجاه اللي الگطع نحره وعلى حبكم نظل انسير= ونظل انتابع المسره ابجاه اللي مشت للشام= وطوح بيها حاديها