انحنه ضلعي = اهل دمعي لمصيبة موسى بن جعفر اون ابنوح وبعبره =الحزنكم سادة الكونين وانتم كعبة العالم =وانتم عله التكوين مصايبكم حنت ضلعي= يالضحتوا لجل الدين اجر حسرات = اهل عبرات لمصيبة موسى بن جعفر بالبصره انسجن مده= وحال السجن ما ينراد سنه اتحمل بردها اوحر= وسلاسل ضنوه الامجاد عگب هذا المرار المر =من البصره انقله البغداد على المسجون = نهل اعيون لمصيبة موسى بن جعفر ابسجن مظلم شبل جعفر= وبطاموره تحت الگاع لا ليل اليعرفه ليل =ولا للشمس شاف اشعاع لچن نوره يگه لليوم =وهذا النور ابد ما ضاع وحگ هالنور = گلبنه ايفور لمصيبة موسى بن جعفر روايه اتگول تسع اسنين= وروايه اربعطعش يگلون ما واحد يصل يمه= بامر الطاغيه هارون بعباده اويقرا القرآن =ومن عنده تهل اعيون وحگ دمعه = نظل ننعه لمصيبة موسى بن جعفر ابمشقه من وصل يمه= ابن سويد اويهل دمعه يگلهالشيعه لفراكگ= الكل منها انحنه ضلعه يبن سويد بلغهم =الوعد عالجسر بالجمعه گصد الهم = واجوا كلهم لمصيبة موسى بن جعفر وصلوا للجسر شافوا =اجنازه واربع احماميل يشيعه موسى بن جعفر= من ثگل الحديد اتميل امام الرافضه اينادون= وجده الخادمه جبريل فجعنه البين = نهل العين لمصيبة موسى بن جعفر عله صوت الحزن والنوح= من الشيعه عليه الكل آه ياموسى بن جعفر =ومحنته وهضمته التكتل سود ارتفعت الرايات = من الشيعه ودمعه ايهل دمعها ايسيح = تون وتصيح لمصيبة موسى بن جعفر سليمان الطلع مدهوش= شاهد لمة الوادم تلطم عالصدر والروس= من عدها الدمع ساچم ينشد عالنعش المن = لعد راهب بني هاشم طلع مفجوع = يهل ادموع لمصيبة موسى بن جعفر من گصره طلع حافي =يهل الدمع عالخدين امر عالمنادي ايصيح= هذا ظنوه الطيبين شالوا نعشه فوگ الروس= وغلوه ابدموع العين تصگ الراح = فوگ الراح لمصيبة موسى بن جعفر المصايب هاي كلها اتهون= خل للطفوف انروح مصيبه وما مثلها اتصير= زادت عالجروح اجروح خل انواسي الزهره =بابنها اللي گضه مذبوح نعزيها = نواسيها بمصيبة موسى بن جعفر