شحال حماي الحمه بهاي المسيه=من بيده غسل فاطمه البضعه الزچيه شحال گلبك سيدي ياعود الاطياب=بيدك تغسل فاطمه ياداحي الباب چانت تون يابالحسن من عظم المصاب=وتون يولي ام الحسن ونه خفيه بمصاب ابوها اتصوبت حزنه فجعها=وحاضر يحماي الحمه ابكسرة ضلعها ظلت تنازع بالمحن وتهل دمعها=وانته لمگيد ياعلي ابحبل الوصيه ومن وصتك يابالحسن والمدمع ايسيل=ما اريد الغصبت فدگ النعشي اتشيل وادفني ابعبره وحزن لوچلچل الليل=وراح اشچي هضمي ومحنتي لرب البريه راح اشچي هضمي ياعلي باللي علي صار=من غمضت اعيون النبي هجموا على الدار كسروا ضلع مني يويلي وشبوا النار=وروعوني من عگبك يبويها شهالرزيه مني سگط محسن يبويه ابعتبة الباب=اليوم الحشر يبقى الالم وبضلعي اصواب واللي هدم حيلي يبويه اوجرحي ما طاب=من چتفوا حيدر علي حامي الحميه هذا علي ليث العرب تاليها مچتوف=جابوه للمسجد يويلي اوراسه مكشوف تنحب على حاله لون الحاله اتشوف=وتحن عله امصابه وتون ونه شجيه ونعزي غايبنه اونصيح اونهمل العين=ما خلص صبرك سيدي يبن الميامين چم ثار الك يبن الحسن چم عتبه ودين=وتنسه الذي صار وجره بالغاضريه