صدگ ظل حسين ابن سيد الوره=عاري بالطف گطع بجدل خنصره صدگ عاري ابكربله سبط الرسول=امغسل ابدمه على وجه الرمول انعزي عوده ابحزنه ونعزي البتول=امه الزهره الزچيه الطاهره وصدگ من العذب ما گطره شرب=وصدگ ما ظل خدر بالطف منسلب العجب من هاي العجب كل العجب=الثريه ما هوت فوگ الثره وصدگ سلبوا عايلة حامي الجار=وصدگ بخيام السبط شبوا النار وصدگ ظلت بالعره اجسوم الاطهار=مغسله ابدمها الجسوم الطاهره وصدگ ما ظل بالخيم بس العليل=يلوج من المرض بس دمعه يسيل وصدگ ما ظل للحرم والي وكفيل=ابهالمداليل العقيله امحيره وصدگ زينب وگفت اعله التل تصيح=ابنوح وبعبرات وبمدمع يسيح خويه جاوبني ولا تبگه طريح=انهض وطفي الخيام اموجره وصدگ صاحت وبمدامع هامله=زينب اتحشم شبل سيد المله ياحسين اطفالي فرت بالفله=وبعد شحچيلك يخويه اللي جره وصدگ ما عدها ولي وچلچل الليل=وصدگ ما عدها محامي ولا چفيل وين اهلها اعليها من هجمت الخيل=عالخيم واطفال بيها مذعره وچم يتيم ابهجمة الخيل انسحگ=وچم يتيمه وحرمه ماخذها الرهك غير عبدالله اللعد عوده شبگ=من جاه السهم ويلي ابمنحره وآه يتل الزينبي اشعندك اخبار=صدگ زينب وصلتك تالي النهار تحشم ابن امها وتشب بيها النار=غير نار الخيم ذيچ المسعره وصدگ طوح بالظعن حادي الظعون=وبس يتامه وحرم وتهل العيون اشحال زينب حين گاموا ايودعون=الجسوم البگت ويلي امطشره والعليل الگيدوه ابجامعه=الدهر ون اعليه ويهل مدمعه الفگد اهله وعظم هاي الفاجعه=حرم مسلوبه وتروح اميسره ابها لمصاب انعزي غايبنه الغيور=عله دينه يبقه صابر ما يثور ينسه برض الطف اله شراحت بدور=الترب غاطيها بدماها امعفره