سجادك يبو اليمه = باقي اينازع ابهمه من طف كربله مهموم = يصيح ابصوت يامظلوم سجادك يبو اليمه چان ابكربله امشاهد مآسيها = وشاف الخيم والنار الدوت بيها وشاف اطفال مذبوحه اهاليها = وشاهد حرم من گصدت لواليها وشاهد عالثره عمه = چفوفه مگطعه اويمه من الماي العذب محروم = يصيح ابصوت يامظلوم سجادك يبو اليمه كل اللي جره بالطف يعيش وياه= شاهد جسم ابوه مخضب من ادماه ابغذاه وبلذيذ الماي ما ينساه= چم مره ابمره الموت يتمناه وابوه من ودعه اوشمه= ابلهفه للصدر ضمه ما هل دمع هل ادموم = يصيح ابصوت يامظلوم سجادك يبو اليمه ويوم اهدعش راح ابيسر للكوفه= وحرم وايتام كلها ابيسر مچتوفه يتمنه هذاك اليوم ميشوفه = ولا عماته تمشي ابيسر مكشوفه المآسي اعليه ملتمه = المصايب زيدت همه من جور الدهر مهضوم = يصيح ابصوت يامظلوم سجادك يبو اليمه بحال اليسر من راح الظعن للشام =وعليل الطف تباريه الحرم وايتام آه امن الليالي اوغدرت الايام =وعيون الشماته شلون ترمي سهام العليل المرض ما همه = هضم الشام اهو همه اسير ابين ذيچ الگوم = يصيح ابصوت يامظلوم سجادك يبو اليمه طب الظعن للشام ابألم واحزان=وخطب خطبه العليل تزلزل الاكوان گال المصطفى جدي النبي العدنان=وجدي المرتضى عودي انذبح عطشان أبويه فاطمه امه = والطيار اهو عمه من اشرف نسل معلوم = يصيح ابصوت يامظلوم سجادك يبو اليمه گضه شوط اليسر رد الظعن للطف=ابحسرات اودمع يجري فلا ينشف مآسي الغاضريه اشلون تتوصف=لاچن حكمه الباري ابعباده اعرف الضحايه سادة الامه =ابدماها اصبحت متخضمه وعلي السجاد بس ارسوم = يصيح ابصوت يامظلوم سجادك يبو اليمه عگب هذا الجره گضه العمر ينحب=يذكر ابوه للماي من يشرب يون وياه تون العايله وزينب=وگبله ياعليل الصار وتعذب ذبل من المرض جسمه= ينتظر غذه الحتمه وبحكم اليسر محكوم = يصيح ابصوت يامظلوم سجادك يبو اليمه ويوم الخامس اوعشرين من عاشور=گضه نحبه يولي اوسجا احله اسطور ابزهده اوبالعباده اوبالكرم مشهور=والسم مرد چبده والظهر مكسور يظل اينازع ابسمه =بيه انفجعت الامه الف وسفه گضه مسموم = يصيح ابصوت يامظلوم