اليوم زينب دمعها ايهل دمه = ويامصيبه ودايع فاطمه تنخه حماي الحمه اليوم بت حيدر بس تدير العين=اتحشم اخوتها ابدمع عالخدين وگفت اعله التل اتصيح اخوها حسين انهض اوطفي نيران الخيم = انهض اوحامي اطفال اوحرم تنخه حماي الحمه لا تخليني امحيره اباطفال=مدري اطفي النار مدري الم اعيال حالي يبن امي ما شبيهه حال شفت اخوتي ضحايه اعله الثره = وادري باچر اروح اميسره تنخه حماي الحمه تدري يبن امي الخيم حرگوها=تدري يبن امي اطفال سلبوها تدري يبن امي الحرم روعوها تدري خويه بگيت ابلا ولي = وانه انخه اواحشم ياهلي تنخه حماي الحمه خدري يبن امي مضرب الامثال=چنت مهيوبه ابهيبة الابطال وعگب خدري ذاك تحيط بيه انذال نفگد خدري يخويه بالطفوف = نفگد خدري ابگطع ذيج الچفوف تنخه حماي الحمه تعنت النوبه لعد كافلها=دموعها عالخد من دمه اتهلها اطفال وياها العطش چاتلها اعتنيك الشاطي العلگمي = گوم طفي يخويه امخيمي تنخه حماي الحمه ياگمر هاشم اعتاب عندي وياك=ياچفيلي گوم خل يرف الواك اشلون حال اختك من عگب عيناك من تشاهد يخويه حالتي = عليه تنحب العظم امصيبتي تنخه حماي الحمه ياگمر عدنان موقفك بالطف=مثله ابد ما صار بالوفه رفرف من ملكت الماي گلبك اتلهف ما شربته ورميته بالفرات = شحدها مثلك تجيب الامهات تنخه حماي الحمه تحچي مهضومه وتهل عيناها=يبن والدها گوم وياها لا تخليها ابولية اعداها وتدري بيها يخوها امدلله = شلون ترضه وحيده ابكربله تنخه حماي الحمه گوم ياعباس وانشر الرايه=انه ياخويه جيت شچايه لا تظل نايم عالمسنايه جيت احشمك يبن حامي الدخيل = ترضه زينب تظل ابلا چفيل تنخه حماي الحمه زينب الچانت امدلله ابجالك=يسيره ترضه اتروح هيه وعيالك من يرچبها خويه واطفالك من يرچب يخويه العايله = وكل اهلها ضحايه ابكربله تنخه حماي الحمه