هذا صوت الكاظميه اينادي=تعزي ابو صالح ابشبل الهادي تعزي ابو صالح ابعوده ابها لدموع=ومثل حنيه ضلعه محنيه الضلوع اتعزي للمهدي اجت هاي الجموع=تشاركه ابحزنه الابد ما سادي تشارك المهدي بحزنها بهالمصاب=عظم الله اجرك يبن داحي الباب وبربيع اثمانيه آخر اصواب=الصوبوك والحزنك احنه اننادي بيا رزيه ومن نعزيك اشتگول=ابمحمد جدك الهادي الرسول لو ببو السبطين والزهره البتول=الحزنهم ظل ينوح الحادي وبالحسن يبن الحسن تدري اشجره=السم اتملك الچابده و وذره لو حسين السبط حزوا منحره=وراسه ظل ايلوح عالميادي وكلهم اجدادك يبن فخر العرب=يو چتل بالسيف يو سم بالعنب ويو سجن مظلم يسموه بالرطب=وياذنب من عدهم اللي بادي وجينه يبن العسچري اليوم ونصيح=ومثل گلبك سيدي ابگلب جريح وبدمع عالخد مثل دمعك يسيح=وكل گلب لمصابك اصبح صادي ابعودك انعزيك يافخر الوجود=ومثلك انهل الدمع فوگ الخدود شحال عودك سيدي ابروحه يجود=ريت من دونه فديت اولادي ولشوكت صابر تظل ياسيدي=والله ملينه الصبر يبن النبي وين نلگه سيدي البيه نقتدي=قله صاروا سيدي ببلادي وجينه يبن العسچري وسودالاعلام=ناشريها ابحزن نلطم عله الهام انجدد البيعه الك يبن الامام=يمن حبك صار شربي وزادي انتوا نور الله اليشع اعله الارض=وانتوا حبكم اصبح اعلينه فرض من مزاياكم اومنكم نتعض=وشرف حبكم صارالي استشهادي ونهضمنه وبس تهل منه العيون=والجره اعلينه عليكم ما يهون تعذبنه وشفنه انواع السجون=وحبكم اينسيني هم جلادي