شعراء أهل البيت عليهم السلام - مصيبة العقيله زينب (ع) - ليلة الحادي عشر من محرم

عــــدد الأبـيـات
55
عدد المشاهدات
5809
نــوع القصيدة
عامية
مــشــــاركـــة مـــن
تاريخ الإضافة
16/11/2010
وقـــت الإضــافــة
6:09 مساءً

الليله زينب ياعلي = حايره ابلايه ولي شحال بت حامي الحمه = شلون ليله مظلمه حايره بت حيدره = ونار بيها اموجره ياعلي زينب الليله= امچلچله اعليها المصايب الدهر صوبها اوفجعها= وحايطه بيها النوايب شاهدت صرعه اهلها= عالثره اشبول الغوالب والنار ابخيمها دوت = واخوتها عالغبره هوت بسمك يحيدر صوت = ياعلي ليث الحرايب نديتك يابالحسن = وحايطه بيها المحن ليلة الحادي عشر = خوف وارهاب اوخطر حايره بت حيدره =ونار بيها اموجره شحال بت حامي الحميه= من فگدت بالطف اهلها وعدها اطفال وارامل= بس مدامعها تهلها وچم يتيمه اتريد ابوها= احتارت الحره اشتگلها ولياها صرعه عالثره = ابدم الشهاده امعفره لا خيم عدها اولا ذره=عايله سيد رسلها عايله حامي الدخيل = ابلا محامي اولا چفيل هذا حال العايله = بس مدانع هامله حايره بت حيدره = ونار بيها اموجره ومشت ياحامي الحميه= تمشي نوبه ونوبه طاحت وفوگ تل الحزن وگفت =وبضعيف الصوت صاحت زينب انه اوجيت احشمك= ياحسين اطفالي راحت انهض يبن حامي الحمه = طفي الخيام المظرمه بامك احلفك فاطمه= المثل نوحي عليك ناحت انهض وطفي الخيم = وامن اگلوب الحرم وشوف حال العايله = هايمه ابطف كربله حايره بت حيدره = ونار بيها اموجره هذا ليل اهدعش چلچل= يبن حماي الحمه وبس حرم واطفال عندي= امنين اجتي الغاضريه الشتت شملي وگبلك =ريت وافتني المنيه ولاشوف اخوتي عالثره = وعله الارض دمهم جره ولا ابگه انه امحيره = بالطفوف اصفج بديه هاي خويه حالتي = عدمن اشچي امصيبتي وانه بضعة فاطمه = بس يهل دمعي دمه حايره بت حيدره = ونار بيها اموجره ومشت تتوچه ابصبرها= ويه الكفلها اعتاب عدها وصلت وشافته وگعدت= وامصايب تعددها لا تخلي اللي اكفلتها =محيره تصفج ابيدها يللي جبتني الكربله = بحماك چنت امدلله تنخاك هاي العايله= للمدينه گوم ردها گوم خويه يالچفيل = نشف ادموعي التسيل لا تظل عالعلگمي = گوم طفي امخيمي وحايره بت حيدره = ونار بيها اموجره يبن حماي الحميه= اعليه يوم اهدعش اصعب الما تسلب يوم عاشر= بالسبي ويومه تسلب النوگ هزل حضورها=من عگب خدر المرتب والحادي ما عنده رحم = بالضعن اطفال وحرم السجاد يشچي امن الالم= وهالرزيه ابگلب زينب اشلون عالناگه تصيح = اوداعة الله يالذبيح حين ودعت مصرعه = مشت بالهم چابعه وحايره بت حيدره = ونار بيها اموجره والرزايه الشاهدتها= ابد ما مرت مثلها ايتام مدهوشه اوارامل= بس مدامعها تهلها وحين مر الظعن شافت= اعله الرمال اجسوم اهلها عافت اهلها ابكربله=شافتها كلها بالفله صرعه ادماها امغسله يالنصرتوا دين طه الوعد بالجنه اوياكم
Testing