انچان رايد دمعتك تجريها=الغاضريه بالدموع اسجيها اگصد ارض الطف واخذ منها الخبر=هيه تحچيلك عله حسين اشصدر من مآسي وخوف ارهاب وخطر=وبعد تحچيلك اشصار اعليها من تسولفلك مصايب للطفل=اتشيبه وتگوم دمعاته تهل چم عجيد الوگع بالطف چم نفل=مغسله ابدمعه الترب غاطيها يامصيبه اللي تسولفها وتهون=ويارزيه الما تهل الها العيون ابدماها امخضبه سادة الكون=وثلت تيام الشمس تصليها واگف مثل الوگفت ايهزها الريح=فوگ ربوه من الارض گامت تصيح خويه جاوبني ولاتبگه طريح=وحامي اعيالك يبن حاميها ياحسين النار بخيامك دوت=ومن لهيب النار يبن امي هوت وگبل لتشب نار بيها اتفرهدت=گوم خويه للخيم طفيها ومر علينه الليل لاچنه اشليل=حرم واطفال انمرد منها الحيل بين حرمه وطفل محتاره وعليل=وبين خدروافگدت واليها انگضه ذاك الليل بالهم والحزن=ابد ما نشفت دموعي عالوجن حرم واطفال اعله اهاليها تون=عگب ابو فاضل زجرحاديها ومررونه اعله الجثث يبن البتول=وشفت ولياني يبو اليمه اچتول امخضبه ابدمها على وجه الرمول=ومن دماها الطاهره مغسليها الهالمصايب والمحن گلبي انصدع=حته يبن امي الصبر مني جزع گمت ارچب وحده وحده تگع=ولخوتي انخه واحشم بيها گمت احشم يخوتي لا يخوتي=ما تهزكم يانشامه نخوتي مامثل هضمي ومصابي وحيرتي=مصابي لاملاك السمه امبچيها دموعي ما نشفت على الوجنه اتهمي=وصوت ما عندي احشم بالومي والظعن مر اعله شاطي العلگمي=عالكفلني اچفوفه امگطعيها وطوح الحادي وسره بذيچ الضعون=واحنه عالنوگ وتهل منه العيون ابحزن وبعبرات گاموا يودعون=اطفال وسياط العده ماذيها حرم واطفال ابمدامع هامله=ودعوها اوودعتهم كربله وامسه يوم اهدعش باتوا بالفله=بالعره هالعايله امنزليها بعد كل اشصار وياها وجره=وصلت الكوفه ودايع حيدره طبت الگصر الاماره اميسره=وتشچي عدمن منهو اليشچيها