اهنا يلي تريد اسمك= دوم ابطيب يتخلد ابتعد عن المعاصي =اتصير من اهل الشرف تنعد انصحك نفسك عالطبيب =والاخلاق طبعها او الا رادت عمل منكر= ابداً لا تطاوعها تراها الدنيه فتانه = لتغرك ملامعها هوايه الوهدنت گبلك جذب لو گالت اتحبك =خل درب العدل دربك المكارم حافظ اعليها= وعنها عيب تتردد النصيحه واجبه اعلينه= انصحك وانته تنصحني الا انه چنت غلطان =لتغض النظر عني دليني اعله درب الخير= اتحصل اجر مني انه وياك نفس الدين ونفس القبله متجهين= نبينه سيد الكونين الصلاه وحده النصليها =وشهاده وحد نتشهد من اتطيع النفس تخسر= تراها النفس اماره الها ابد لا تنگاد =وتخلي نفسك احجاره تره اهناك الندم ميفيد= روحك تظل محتاره باب التوبه الك مفتوح اخذ وياك زاد اوروح= الذنب اللي مضه مسموح العمل وحده اليروح وياك= ما تنفع عشيره وجد ابتعد عن الجذب ياصاح= لتودي حچي وتجيب من تنظر عيوب الناس= عد نفسك تشوف العيب فروع الدين طبقها =وعن الحق ابد لتغيب گول الحق على نفسك واحچيه ابعلو حسك = اليمس الدين اهو يمسك الدين ايريد من عندك= عن الحق لتبتعد مره تعيش بالدنيه =عيش ابها الحياة ابعز اتحله دوم بالاخلاق= بين المجتمع ميز ماشي الي يريد الخير= اليريد الخير اهو اليبرز اليحب الخير دوم ايصير عد الناس اله تقدير= لا توگع ابوسط البير بهاي المحنه ابد لتروح= متحصل اليمدلك يد الدنيه دوم غداره= لتأمن مخاوفها ابو الحسنين عنها اشگال= ذمها حين وصفها مثل الحيه الملسه =وانته زين تعرفها ابد لا تخاويها ولتمد ايدك اعليها=تره تالي تگع بيها اليصافحها تره خسران =ومصيره ايصير تالي اسود الفقر والثره ابد ميدوم =روح الگبلك انشدها اصبر عالفقر ياصاح= حياتك لا تعقدها ابحديثك دوم صادق صير= وفي الي تواعدها كل الناس تحترمك وكلها تشارك ابهمك= من اتشوفك اتشمك يفرح كلمن ايخاويك= بيك ايگوم يتمجد وراك الگبر يامسكين= اخذ النفسك استعداد الدنيه لونها اتدوم= جاوبنه ثمود وعاد الدنيه فانيه تدري =يبن آدم فلا تنراد لابد عالمتن تنشال فكر من تصل هالحال= متنفعك بنين اومال ومنكر من يجي اينشدك= وين اهناك تتلبد عملنه ما يخلصنه =التخلص رحمة الجبار اليشفع سيد الكونين= هناك وحيدر الكرار وشفيعه فاطمه النه =ام العتره الاطهار وشفيع النه الحسن وحسين واليمه المعصومين=عليهم احنه محسوبين احنه فاضل الطينه =على حبهم دوم نتوسد