اگصد يالموالي زور =سعيد الضحه لجل الدين وحگ الله ترد مسرور= من الفاز بالدارين اهنا يلي گصه وياك= دهرك والدهر غدار بلهفه اگصد سعيد وزور= اگصده لاتظل محتار ترد مسرور من عنده =عنه تروي الاخبار سعيد اللي اله عنوان عند الله عظيم الشأن =اليگصده ما يرد خسران يرد مسرور من عنده =وهمه ينجلي بالحين يللي الدهر ما انصف =وياك اوحاربك دهرك ادخل عد سعيد وشوف= لتظل حاير أبامرك همك ينجلي وترجع= مملوء ابفرح صدرك انشد عنه اهل الحي ما يبگه اعله گلبك شي=من هم لاتظن ياخي انصحك زوره اگصد روح= ترد منه قرير العين اهنا يللي الليالي اوياك= گصن وتحملت آلام وتشچي العسر بالدنيه= وجور وغدرة الايام السعيد اگصد ترد مرتاح= اليگصده ابد ما ينظام چم واحد الگبلك راح ومن عنده رجع مرتاح=انصحك اگصده ياصاح ديونك تنمحي وتوفي= اشما مطلوب من الدين اهنا يلصوبك دهرك= ابمرض لاچن مرض چتال وبذلت الذي عندك =وما ظل على حالك حال اگصد يم سعيد اتطيب= وعنده علق الامال يالجيت ابگلب مكسور ترد انشأالله مسرور = توصل بيتك المعمور ترد والعافيه ثوبك =وانته امعيد ابعيدين اهنا يالدهر شد وياك= وگلبك دوم بيه الهم وبدنياك ما مرتاح =وعليك الكدر خيم السعيد اگصد ترد مسرور= وهذا الخير بيه تعلم كل اللي گصد زاره هيه اتسولف اخباره = يفرح دوم زواره اليگصدونه بصدق وخلاص= منه ايجون مسرورين سعيد الضحه لجل الدين= والتاريخ بيه مجد شاف الموت جدامه =عن الموت متردد استشهد لجل دينه =واصبح اسمه امخلد ما همه عذاب اوموت اصبح بالشرف منعوت= ملاذ اصبح لهاي الكوت والحي حگها تفخر بيه =الدوم ابطيب معروفين الحجاج امر ابقتله= وينه گلي الحجاج ما عنده گبر ينزار =وسعيد النال هذا التاج قبره قبلة الانظار =للتعريف ما يحتاج استشهاده اله عنوان ابكل محفل اوكل ديوان= توشح صدره الايمان واللي ينصر الإسلام =يجاور سيد الكونين اليستشهد لجل دينه =عنه الدهر يتكلم يصبح قمه بالتاريخ =والتاريخ بيه اهتم قدوه ايصير للاجيال =والاجيال تتعلم تاخذ درس من عنده دوم اتسولف ابمجده = قبله ايصير للبعده ونياله الخدم دينه =وسار ابنهج ابو الحسنين الضحوا لجل هذا الدين= اسمهم ابد ما ينهار سعيد اوحجر ابن كندي= وگبلهم ميثم التمار واگصد كربله اوشاهد= النصر واشبل حامي الجار قدموا اعز ما عدهم ضحوا دون سيدهم= التاريخ مجدهم عليهم نسچب العبرات =والاول مصاب حسين