السلمان اعتنينه انزور نعرف حيث عنده جاه=عند الله ورسوله دوم وعند المرتضى وشبلاه گصدنه انزورك ابلهفه يالجاهدت لجل الدين=انته امن اهل هذا البيت الحديث السيد الكونين عزيز المصطفى انته والزهره وابو الحسنين=وعزيزالحسن ياسلمان وعزيز حسين الگصدناه يبو عبد الله عنك گال طه المصطفى المختار=من عدنه تره سلمان روايه امن اصدق الاخبار لانك مخلص الدينك وصحيب المرتضى الكرار=واللي يخدم اهل البيت دوم ابشرف رف الواه تشرفت ابرسول الله عينك شافته وشافك=دوم محافظ عالدين بس بيه تلهج اشفافك ويه ابو الحسنين ايد ابايد ما عفته ولاعافك=يبو عبدالله كل منه هالعنوان يتمناه بأمر المرتضى الكرار المدائن صرت واليها=ابنهج المصطفى الهادي وحكم الله احكمت بيها ابهذا الحكم ياسلمان فرحت كل اهاليها=وبيتك يابو عبدالله گصب لاچن اله معناه طبقت اليريده الدين حكمت بين الخلك بالحق=بحكم العدل والانصاف تريد العدل يتطبق وابمنهج علي الكرار الحق دوم يتحقق=والحق ما ترك صاحب تشوف الناس كلها اعداه بصفر بثمانيه منه سنة الخمسه وثلاثين=لبت روحك الربها وعلى فگدك بچت كل عين بيده غسلك حيدر دفن جسمك ابو الحسنين=حيدر بالشدد مندوب واحنه ابكل وكت ننخاه يللي امن المدينه جيت بيدك غسلت سلمان=اشبعدها كربله عنك وبيها ابنك گضه عطشان وزينب واچفه عالتل واخوها اموسد التربان=وما ظلت زلم عدها وياهو البعد تترجاه فجعها الدهر باخوتها وهيه حرمه ولاها الليل=واهلهاعالثره نومه وتشوف الخيل اجتها الخيل ظهرها انحنه امن النكبات بيها بعد ما ظل حيل=الكفلها عالنهر نايم ويمه يسرته ويمناه واجينه الكربله هاليوم عدنه هموم نشچيها=بجاه الحرگوا اخيمها المرضانه تشافيها والمطلوب دين الكون لديونه يوفيها=وكون اعالولايه نموت بجاه اللي خضابه ادماه