من الكاظميه اليوم اجينه الحيدر الكرار=نعزيه ونعزي الدين ابفگد المصطفى المختار من الكاظميه اليوم لعد وادي النجف جينه=ابحزن ونوح وبعبرات حادي الحزن حادينه نعزي حيدر الكرار بالمختار هادينه=ونعزي فاطمه هاليوم ام العتره الاطهار نعزي عالم الإسلام ونعزي ائمتنه=ابفگد المصطفى المختار يامعظم مصيبتنه نار امصابه بالدلال وحگ امصابه چوتنه=عله امصابه واهل بيته ابد ماتنطفي هل نار مصايبكم يهل البيت هضمها بكل گلب يسري=نار اوتشب بالدلال تطفه اشوكت ما ندري وحگ الشيب المخضب وصبره وليلة القدري=حزنكم ما يبارحنه لمن يهب راعي الثار نقدمله عراضينه ونسولفله الجره اعليكم=ونشرحها ابحقايقها بالصار وجره بيكم نبقه لشوكت ننعه ابشعرنه البيه نرثيكم=ما ننسه مصايبكم وحگ الضلع والبسمار عبره ابكل گلب تبقى مصايبكم يهل هالبيت=وعبره ومنها نتعلم دروس الي جرت ياريت اليحبكم يفتخر ويگول من حبهم انه اتغذيت=واحنه انشاالله ابحبهم نتمسك ازغار اكبار على حبكم مشينه احنه عله منهجكم تربينه=على منهل محبتكم ومن حبكم تغدينه الطينه الطاهره انتم واحنه فاضل الطينه=ونترجه شفاعتكم انتم رحمة الجبار وصاياكم شرف النه وسام ومنها نتعلم=خصال المؤمن ثلاثه تعرفهه حين بيها اهتم الامانه ايحافظ اعليها وكون ابصدق يتكلم=ويوفي من يواعد دوم وهذي خصلة الاخيار الامام العسكري اتحدث وخل نعرف حديثه شگال=علايم خمسه للمؤمن بيهن ينعرف بالحال الاجهار بسم الله ومحبس بمينه مو بشمال=وصلاة الواحد وخمسين وهاي تصير ليل انهار بعد اثنين للمؤمن خصال أيكون يأديها=تعفير الجبين ايكون علامه يفتخر بيها وزيارة مرد الروس ودموع العين يجريها=ابيوم الاربعين ايكون يگصد لبن حامي الجار