من رحت عنك يخويه حسين = هاليوم اجيتك واهل العين هاليوم اجيتك اهل دمعي = هاي النوايب حنت ضلعي جيت اشتچي اليوم الك وضعي = من اليسر جيتك يمحي الدين يبن امي اشچي هضم وهموم = من عگب عينك ولتنه الگوم باليسر چنه واجينه اليوم = تلگه ظعنه الاجه بهل حين صوبني دهري ابسهم چتال =ما چنت اظنن اصل هالحال من عگب خدري تحرسني انذال = استفصلت مني اميه الدين انه العقيله انفگد خدري = جيتك يخويه ابدمع يجري ما انصف وياي ابد دهري = ابطيحت چفيلي اوگطع چفين راسك مشه وياي يبعد الروح =عالثره جسمك بقه مطروح وشلون ابطل يخويه النوح =ونگضه عمري اهل العين من النوايب ذبل عودي = وامي الزچيه وعلي عودي اندهت الليالي ابفرح عودي = ما اظن يلتم شمل الميامين شتت شملي الغاضريه = ومنين اجتي هالرزيه انه العقيله الفاطميه = وبسيفه عودي ثبت هالدين يادهر تطلب الك چم ثار = يادهر تبقه وتظل غدار يادهر يكفي الجره والصار = وبگلبي شبت الك نارين