زينب ليك ... ردت وايتامك وياها ياعباس من گبرك گوم اتلگاها هاي الظعينه العودت ليك اليوم=تشچي الهضم تشچي التعب تشچي اهموم يابو الفضل انشدها من گبرك گوم= ردت ليك...تشچيلك من جور اعداها تشتچي عندك يالچنت كافلها=مهضومه جتك والدموع اتهلها خلها تسولفلك محنها خلها=بالحسرات...لاچن دم تهمل عيناها يوم الحده الحادي ورحت للكوفه=ياريت ذاك اليوم ابد ما اشوفه راحت اعيالك لليسر مچتوفه=والاجسام...متخضبه بدمها وعفناها القصر الاماره بالحزن طبينه=بحبال خويه يالولي امچتفينه ما عدنه والي عالثره والينه=واللي اتصيح...الشامت بالسوط اتولاها وحادي طوح بالظعن جد السير=وعالنوگ احنه وللطف العين اندير من بعد مده وصلنه الذاك الدير=والاطفال...الشامت من عگبك يرعاها لن راهب وعنده كتب والانجيل=مبلغ دفع بس ايكون يبقه ابها الليل راس الحسين ايقبله ودمعه يسيل=وظل ينوح...ودموعه اعله حسين اجراها والفاجعه الشاب الطفل من عدها=شافت رقيه بالحلم والدها چاوين أبويه وللحرم تنشدها=صاح ايزيد...هالطفله اعليمن مبچاها گالوله طفله فزت اتهل العين=شافت ابوها ورادته ابهذا الحين امر وجابوا بالطشت راس حسين=بعبره اتنوح... واطفالك ناحت وياها شبگت رقيه راس ابوها المذبوح=وناحت بعبره والحرم كلها اتنوح ومن حركوها فارگت منها الروح=صار امصاب...ثاني وللخدر آذاها وهاي المحن بت حيدر اتسولفها=للي كفلها وصابره يعرفها لاچن اشد هاي المحن وكفلها=هضم الشام...والمحنه الماظن تنساها وبعد شاسولفلك هضم ياعباس=من عگب عينك تقبل انهبط الراس شفنه هضم بالشام ابد ما ينقاس=گوم وشوف...عيني الماينشف مجراها يبن الذي بسيفه ثبت هالاسلام=اليوم اجيتك واشتچي هضم الشام رد لك عليلك واحرم والايتام=وهاي الروس...ويانه الگبرك جبناها