على امصاب الجواد العين تهل دم=مثل جده شبل جعفر گضه بالسم على امصاب الجواد ادموعنه اتهلها=ونجر حسرات والعبره نواصلها وثياب الحزن لا ما نبدلها=على امصاب الجواد الكون صار اظلم نهل ادموعنه الحزنه ونجر حسرات=ونرفع للمآتم والحزن رايات سود ونبقه نجري من الدمع عبرات=وكل شيعي نصب لمصيبتك مأتم انته موغريب الشيعه هاي اتنوح=عليك وكل گلب منها صبح مجروح ويه الهادي تنحب وبدمع مسفوح=وكل شيعي وموالي الفگدك اتألم اريد انشد بني العباس الهم ثار=يوعتبه وطلب ويه النبي المختار ظلمهم بالدهر مثله ابد ما صار=واليملك زمام الحكم ما يرحم شبل الرضا اشذنبه ظنوه الطيبين=شمطلوب البني العباس عتبه ودين وهو جده محمد سيد الكونين=من علمه الكره الارضيه تتعلم شبل الرضا للحكمه صبح ينبوع=بيهم من نلوذ انامن من الروع محبتهم علينه اصبح فرض مشروع=وهمه للمعالي وللعله سلم من نلوذ بيهم ما تمسنه النار=من انلوذ بيهم نبگه دوم احرار من انلوذ بيهم عترة الاطهار=لئن حبهم شرفنه وبيه نتوسم على حبكم يسادتنه تربينه=ومن حبكم يسادتنه تغذينه ومن حبكم يسادتنه تروينه=وعلى حبكم ازغار اكبار من نلتم شما نتعب نشوف ارواحنه مقصرين=الكم ما نوافي سادة الكونين انتم سادات الاكوان بالدارين=وعلى النار اليحبكم جسمه امحرم تواصينه اعله حبكم يهل هذا البيت=الحي واليجي والي رضع والميت أبويه وامي وانه ابحبكم اتربيت=والي رضع حبكم عيب يتندم ونرجع للجواد وحزنه ومصابه=اتصوب كل موالي اليوم بصوابه ومثل دمعه الهادي اعليه سچابه=دمعتنه وگلبنه من الحزن غيم گضه مسموم ويلي السم مرد چبده=نعزي ابهالرزيه والده وجده ونعزي الزهره بالظل عالسطح وحده=ولايمه من اخوته لا ابو ولا عم ظل وحده ابو الهادي اعله سطح الدار=والسم مرد چبده وبيه شبت نار ام الفضل سمت ظنوة الاطهار=وامه فاطمه بيه تدري وتعلم