الكفل خدر العقيله الفاطميه=وصل حد للوفه بالغاضريه وصل حد للوفه بدر الهواشم=راعي الجود والعز والمكارم الجميع اليعتنيه گضاي لازم=ابوه المرتضى حامي الحميه دگ صدره وكفل اخته العقيله=واجت بحماه بت حامي دخيله تبقه ايصير من بعده ذليله=وابوها الهدم عرش الجاهليه وصل حد للوفه بالطيب والجود=ودون اخته وخدرها ضحه الزنود چفوفه اتگطعن وانصاب عامود=بدر چنه وگع من الثريه ابو فاضل كفو ونعمين معروف=دون امخدراته ضحه الچفوف بسخاء وبالشجاعه وكرم موصوف=صفاته والشمايل هاشميه ابوفاضل من اسمه وكفو ونعمين=دون امخدراته ضحه بالعين ملك شط الفرات وگبل الحسين=ابداً ماشرب من عذب ميه للخوه ابوفاضل نطرها=ولخته ابساحة الميدان سرها امه ام البنين الرضع درها=توسمت بيه شمايل حيدريه ابو فاضل وفي وهذا الوفه شاع=عد اهل الوفه والطيب ينذاع بحجر حسين راسه ايحطه عالگاع=وفه بخوته لبن سيد البريه بحجر من بعد ساعه الراس يحسين=تحطه ومنهو يمك ياضوه العين عگب عيني يخوتي مالك امعين=وحيدوحايطك جيش آل اميه انحنه ظهره وبانت بيه الآلام=يون ورايد ايشيله للاخيام حط ايده تحت ظهره الامام=ينحب ونحنه ظهره اعله خيه يبو السجاد خويه ياضوه العين=خليني ابمچاني گال لامرين سكنه واعدتها ابماي والحين=استحي والموت هذا نزل بيه يويلي رد ابو السجاد ينحب=لخيامه ودليله ابنار يلهب اجت سكنه تنشده واجت زينب=دمعتهن ودمعه هل سويه يگللهن يزينب راح منچن=عضيدي ومن يوديچن لهلچن وعگب عيناي يختي الليل لوچن=وهاليچن ضحايه اعله الوطيه