على امصاب العليل ادموعنه انهلها=ونواسي فاطمه ابفگده ونگللها يالبضعه اريد احچي اعله هضم الطف=واعزيچ ابمصايب عيب تتوصف وندري هالرزايه انتي بيها اعرف=وگلبچ هالمآسي كلها حاملها يالبضعه ودريتي بالجره والصار=عله حسين واخوته و ولده والانصار كلها اتذبحت والخيم شبت نار=وهاي اعظم رزيه لو نحللها يتامه اتذبحت بالطف اهاليها=وحرم مسبيه ظلت من يحاميها تدير العين والعبرات تجريها=واهلها اعله الرمال اموسده كلها يالبضعه البگه بالطف عليل اوحيد=بس يجري الدمع يصفچ الايد ابايد عله حسين واخوته گلبه ابد ميهيد=وحسره اباثر حسره ظل يواصلها يالبضعه الجره بالطف ابد ميهون=شاهدها العليل وبس يهل اعيون عله امصابه يويلي حزن هذا الكون=اهمومه جبل يذبل ميتحملها من كربله الكوفه ابولية الظلام=راح ابيسر وياه بس حرم وايتام واعظم هضم شافه اللي جره بالشام=هضم الشام حته اعضائه نحلها يالبضعه العليل اتمنه مامولود=والهضم الجره بالشام ما موجود عله الناگه يويلي امچتف اومگيود=وعماته ابيسر ويلي ابمحاملها وخطب خطبه عظيمه اتزلزل الاكوان=گال النبي جدي من نسل عدنان وجدي المرتضى وعودي انذبح عطشان=واحنه للمكارم دوم منهلها ورد الكربله ابعبره و ونين ونوح=وگلبه امن النوايب بيه كثرة اجروح رد الخله ابوه فوگ الثره مذبوح=وشاهد حالته وبس دمعته ايهلها وصد اعله الشريعه وانحنه ضلعه=وصاح ابصوت كل العالم ايسمعه هاي اختك اجتك تهمل الدمعه=الاجت وياك وانته الچنت كافلها رجع لرض المدينه ويجذب الحسرات=وگبله ابن حذام ينعه بالابيات وطلع عمه محمد شاهد الرايات=سود وصاح چنه الدهر عاملها عگب هالحادثه گضه العمر ينحب=يتذكر ابوه للماي من يشرب يون وياه تون العايله و زينب=ورزية الطف تعيش وياه باكملها يوم الخامس وعشرين من عاشور=گضه نحبه يويلي وسجل احله سطور بزهده ولعباده والكرم مشهور=وادعيته ابشرف وبعز نرتلها الهي ابجاه ابوالباقر يباري الكون=تشافي كل مريض وتقضي عنه ديون ونثبت عالولايه نحصل المضمون=وخدمتكم ابد للموت منملها واختم اسأل الله ابجاه شبل حسين=نبقه بحب علي الكرار متمسكين ويعجل فرج غايبنه ونحفظ الدين=وعد البضعه اسمانه يسجلها