الله اكبر يامصيبة كربلاء=بچت اهل الواسعه واهل السماء الله اكبر يامصيبه البالدهر=بچت اهل الواسعه ابدمع الحمر والرواسي حزنت وحته الحجر=والحزنها اهل الارض نصبت عزاء يامصيبه الاحزنت كل العباد=والبست لمصابها اثياب السواد والحزنها الدهر اعلن للحداد=وصار نوحه والحزن هوه الغذاء يامصيبه البيه نحب الها الرسول=ونحب گلب المرتضى وگلب البتول على حسين الباقي حزنه وما يزول=قدم الدينه اجل واطهر دماء حسين هذا ومن نگول اسم الحسين=نحس من عدنه اتهل دمعة العين وگف برض الطف ينادي ابلا معين=هز ربوع الواسعه هذا النداء ريت دونك نفده يبن المرتضى=صوت هذا الحزن ردد بالفضه سيدي يحسين ما غيرك حضه=ابهل مكارم يالصغت اجمل عطاء ونگصد انزورك بعنوان الشرف=يلي حزنك ما مثل حزنه انوصف بالزياره الزارها تالي السلف=اليطلب ابثارك يزم بيده اللواء زيارة الحجه واسمها الناحيه=ابيوم عاشر وبدموع جاريه وبنحيب اصواتنه المتعاليه=لئن حزنك فارض اعلينه البكاء السلام عليك ياچبد الرسول=يلي جسمك صار ميدان الخيول سيدي يبن النبي بيك اشاگول=وانته اسمه امن المدح ومن الثناء السلام عليك يبن المرتضى=يامن الحزنك حزن حته الفضه نعزي ابو صالح انرد نستنهضه=ليه نقدم هالمآسي وهالرثاء السلام عليك يبن الطاهره=يلي جسمك ظل رهين اعله الثره مثل يومك ما يصير ولا جره=وانته امك فاطمه فخر النساء السلام اعله الغريب الباطفوف=هدف جسمه صار لرماح وسيوف انذبح ظامي وچرع چاسات الحتوف=والسلام اعله الغريب الغرباء سيدي يالما رويت امن الفرات=نصيح باصوات ومدامع جاريات السلام اعله الشفاه الذابلات=السلام اعله ابن زمزم والصفاء سيدي يومك يفخر الكائنات=ادمه منه اگلوب صحنه ابهالاصوات السلام اعله الدماء السائلات=السلام اعله المرمل بالدماء يومك وحزنه يظل طول السنين=ونبقه ننعه ونندب ابگلب حزين السلام عليك مقطوع الوتين=السلام على المسلوب الخباء سيدي ابدمك شريت انته الدين=وناحت الحزنك جميع المسلمين السلام اعله المحامي ابلا معين=السلام اعله الغريب البالعراء سيدي الحزنك جرت هاي الدموع=ودون ضلعك ريت هشمولي الضلوع اتسلم اعليك وتنادي هالجموع=السلام على ابن سيد الانبياء ريت گبلك منه محزوز النحر=وريت گبلك سيدي انصبنه ابحجر صحنه كلنه وصاح ويانه الدهر=السلام على ابن سيد الاوصياء سيدي يومك يبن سيد العرب=سامي يبقه اتسجل ابماي الذهب عرفنه حبك سيدي اعلينه وجب=السلام عليك صلبك ازكياء سيدي يومك ش،رف النه وسام=ولولا ما يومك يبن سيد الانام لا صلاه نعرف ولا نعرف صيام=وچان دين المصطفى اصبح هباء السلام اعله الذي شيبه خضيب=السلام اعله الذي جسمه سليب السلام اعله الذي خده تريب=السلام اعله ابن سيد الاولياء سيدي الحزنك حزن حته السمه=يومك اتعاله على غيره اوسمه يالذي ابدمك نلت احله اوسمه=وانته خامس خمسه من اهل الكساء سيدي يومك بعنوان الاحرار=خالد ابمجده مثل شمس النهار بصوت واحد صحنه كلنه ابهالشعار=بگلب كل مؤمن الك كل الولاء يومك واهدافه كلها ساميه=يوم معروف اببساله وتضحيه السلام على الجسوم العاريه=امخضبه ابدمها تقدملك وفاء السلام عليك يافخر الوجود=يامن ابصبرك نلت هذا الخلود صحنه والصيحه بدت عدنه تزود=السلام اعله ابن سيد الاتقياء السلام على العليل البالخيام=وعلى بت فاطمه نهدي السلام وعلى الاطفال والنسوه الكرام=وعلى المستشهدين الكرماء السلام على الكفل بت فاطمه=گمر هاشمها شبل حامي الحمه وصل حد الوفه دون امخيمه=وگبل اخوه حسين ما يشرب الماء وخل نرد ونزور ابن ظاهر حبيب=السلام عليك يانعم المجيب ياغريب ابذلت نفسك للغريب=يالنصرت حسين يالعندك سخاء السلام على الانصار الطيبين=السلام على الصفوه الخالدين شيدوا دين النبي اونصروا حسين=وصفوا كعبة فخر نعم الشهداء والسلام على ابراهيم المجاب=ابن عتره طاهره ونسل الاطياب ابحرم جده استشهد ونال الثواب=بالجنان ايفوز ويه السعداء وخلي نگصد للذي اصبح حليم=نصر دينه اوسكن جنات النعيم الرياحي اللي رفع بيرغ تميم=الحر وشبله استحقوا هالثناء وخل نطب للمذح ابگلب حزين=انشارك الزهره بحزنها والونين وخل نصيح ابصوت واحد ياحسين=الله اكبر يامصيبة كربلاء