زينب گضوا بالطف اهاليها=وحيده والاحزان امخيمه اعليها وحيده امحيره وچلچل عليها الليل=راح الحيل من عدها شيرد الحيل واجهتها الخيل وين اللي يرد الخيل=بدت تندب باهلها الكل باساميها عفتوني يخوتي وبيه هذا الصار=الم باطفال تاهت مدري اطفي النار احشم گمت بيكم والعيون اعبار=خيامي اتلاهبت وين اليطفيها زينب يخوتي انه الاناديكم=غريبه محيره ابولية اعاديكم واحد واحد اندبكم باساميكم=يخوتي اطفال وبولية اعاديها عگب ذاك الدلال اتحيرت بامري=ومثل نار الخيم ناري بگت تسري عليكم يخوتي دمعي يظل يجري=حرايركم دمعها اللي يسليها حالفني الحزن وانه ابزغر سني=والخنسه اعله اخوها اتعلمت مني ولا ونها يشابه يخوتي الوني=ولا عدها اخوه مثلي الترب غاطيها الخنسه حزينه صخر منها راح=وانه اسبعطعش مهيوب بالطف طاح ولا شافت رؤوس اتلوح فوگ ارماح=ولا شافت جثث والخيل تاطيها ولا شافت بخوها سهم المثلث=ولا شافت معاره وبيها كثرة اجثث ولا شافت رضيع النحر منه اجتث=ولا شافت يتامه الحزن عليها ولا شافت شباب اعله الثره اموذر=وجهه البدر چنه وبالدمه امعفر ميجادي صخر اظفر علي الاكبر=اوصاف المصطفى المختار حاويها ولا شافت شباب اتخصب من ادماه=عوض حنته العرس صار الدمه حناه ياعريس عرس والتزفه اعداه=عروسه حوفته من صول اعليها ولا راحت يسيره وباليسر شافت=لوعات اليسر وشچم بلد طافت ولا مثلي جسوم اعله الثره عافت=بدماها امخضبه محد يواريها عليه انعم الباري ابصبري اتجلد=صرت انه الكفيله بيه عزمي اشتد لويت الدهر بيدي ومالوتني يد=ومآسي الطف بعزمي مسيطره اعليها وياحره ابعزمها الخوف منها يخاف=وهي حرمه وحيده وخوفت الآلاف ابلاغتها اعترف بحر المحيط وقاف=بلاغة حيدر الكرار تحچيها