زينب وگفت اعله التل= وصاحت صوت يبن امي يخويه من عگب عينك =حرگوا يلولي اخيمي اجت تتوجه بالحسرات = اجت تتعثر ابهمها مدهوشه اوتشوف الخيل= وصلت حاطت اخيمها محنيه الظهر گصدت =تريد اتحشم ابن امها تخبره بالجره والصار وتگله الخيم شبت نار =وتگله عيلتك طشار شصير اني ولفاني الليل =وبجسمي نشف دمي ثلث مرات گام وطاح =عالغبره شبل حيدر حين السمع صوت اخته= ونار الخيم بيه تسعر يزينب سهم المثلث =زماني وبعد ما اگدر يزينب شاهدي حالي هذا السهم چتالي = يخويه اوصيچ باطفالي لو چلچل عليها الليل= اطفال وحرم لمي يبضعة فاطمه اوصيچ= وصيتي ادري تحفظيها لو هجمت عليچ الخيل =حرم واطفال لميها يبت حيدر عگب عيناي= من الخوف امنيها يتمها بالدهر موصوف تراهه امذعره امن الخوف = العليها مر فلا مشيوف هذا الهيج احزاني =يختي وزيده الهمي عيالي ابذمتچ يختي =اوصيچ ابحرم واطفال واوصيچ بعليل النوب= يختي وميخفاچ الحال تبارين الذي امدوهن =ابمرض وقيد اباغلال يختي للخيم ردي واحفظي اعيالي من بعدي= تره امابچ مرد چبدي وبعد يختي اليصير وياچ =باچر للسبي تولمي وصاها ومشت لاچن= گلي شلون ممشاها ابصبرها مشت تتعكز= وتهل دمع عيناها تشوف الخيم تلهب نار =وتشاهد صرعه ولياها عدها بعد ما ظل حيل وهي حرمه ولاها الليل=وتشوف الخيل اجتها الخيل صاحت بعد ما بيه =حيل وانگله الجدمي ردت من اخوها حسين= وبهمها تگع وتگوم تشوف الخيم تلهب نار= گامت عالخيام تحوم وين اللي يطفي النار= تحشم وبگلب مالوم تشوف خيامها وجت وتشوف اطفالها هجت =بالبيده الحرم سچت هاي اتصيح يابويه =وذيچ اتصيح ياعمي گصدت يم عليل الطف= لچن تصفچ الراح براح ممشاها يهدم الحيل =ونها يگطع السباح ولن المهر يخبرها= يگلها حسين عنچ راح اجاها امخضب ابدمه يزينب راح ابو اليمه=بيها ما بگت همه طاح ابساحة الميدان= يزينب عالثره مرمي من عرفت وليها طاح =وهوه ابدمه اجه امخضب تحزمت لليسر بحزام= حسبت باليسر زينب تلاوت ويه دهرها ابچف= وبچف شدت المعصب وگفت وگفة الابطال ابمجدها تشهد الاجيال=عزمها اتزول منه اجبال مثل عزمك يخويه حسين= صاحت باليسر عزمي