نعزي الحسين المظلوم = وامه الزچيه فاطمه بالحسن گوض مسموم = عليه ناحت املاك السمه نعزي الحسين ابها المصيبه ابها اليوم=راح الحسن من عنده گوض مسموم ويه الحسين انهل مدامعنه ادموم ونعزي جده المختار=ونعزي حماي الحمه مصاب الحسن ما ينسه ابداً هيهات=ابلوعه نذكره وبضمايرنه أيبات انجدد مصابه وتجري منه العبرات عليه نلبس اثياب السود=راعي المجد والغانمه الفگدك يبو محمد حزين الإسلام=الفگدك يبو محمد نشر سود اعلام ما ينسه امصابك نعيده بكل عام يومك يبن حامي الجار=كل فرح بيه انحرمه راح الكرم گوض نشف بحر الجود=گوض حليف الغانمه وراعي الزود يالگاصد البحر الكرم رد اردود راح الحسن بحر الجود=من بعده ياهو نسالمه ابمر الزمن الله يلعن جعده=سمت ابو محمد ومردت چبده فجعه بني هاشم واخوته و ولده وانفجع بيه الإسلام=عليه الاحزان مخيمه الحسن صابر والصبر ثوبه صار=يشبه الصبر المرتضى حامي الجار وصاه ابو الزهره اوجلس وسط الدار وصبر الحسن بالتاريخ=هذا الصبر مااعظمه چبده تگطع وانمرد دلاله=والسم مرد گلبه وتغير حاله ويسمع ابو محمد عويل اعياله عليه اصبح الناعي يصيح=لاچن يهل دمعه دمه طب الحسين وشاف چبد ابن امه=بوسط الطشت هذا اللي كثر همه اومه الحسن وخروا الطشت من يمه زينب على الباب اتصيح=يومك الحيلي هدمه راد بوصيته گال اجدد عهدي=ويه امي الزچيه الطاهره ويه جدي ابحفظ الدمه اوصيكم يخوتي بعدي ما ريد ابد حرب تصير=لونعشي بسهام انرمه ابهاي الوصيه اللي حفظ بيها الدين=هاي الوصيه انحفظت ابماي العين عد بني هاشم والامر بيد حسين نفذ وصية المسموم=والامر لله سلمه التموا بني هاشم واجت كل الناس=وشالوا نعش راعي الفخروالنوماس صد الحسين وشاف اخوه العباس مغضب يهل دمع العين=وسل للمنيه صارمه