انهضوا يابني عدنان= زينب طاحوا اخوتها صرعه اعله الثره واليوم= بيكم بدت نخوتها انهضوا يابني عدنان= شوفوا زينب ابياحال مهضومه وتدير العي= وتدرون الهضم چتال زينب بيكم اتحشم= الكم بالطفوف اعيال خيمها اتلاهبت بالنار بيها حاطت الاشرار= الها ما حصل نغار العشره اشبچت عالراس =وتحشم عشيرتها انهضوا شدو اعله الخيل= وصلواللطفوف بساع زينب راحوا اخوتها= الها ما حصل فزاع بيكم يامن الخايف =ومن عدكم تروط الگاع وبت حيدر تحشمكم اعداكم داسوا اخيمكم = فرن كل حرايركم شردن من لهيب النار= يوم احرگوا خيمتها النهضوا للطفوف ابساع= زينب طفوا اخيمها تراهي تلاهبت بالنار =حين الگوض ابن امها ابصبرها اتجلدت لاچن= اجت تتعثر ابهمها وصلت وگفت اعله التل وعلى الخد دمعها هل = يخويه حسين اريد الحل ابحرم واطفال محتاره =وهاي الخيل وصلتها حين السمع صوت اخته= گام وعل الوطيه طاح صاح بصوت يازينب =بضعيف الصوت لاچن صاح خويه ابسهم المثلث =اخوچ حسين عنچ راح يخويه اوصيچ بالخدر احفظيها يبت حيدر = وگلبها النار بيه تسعر اتشوف ابن امها عالتربان =وهاي اعظم مصيبتها بگت علتل تدير العين= حطت ايديها اعله الخد تشوف حسين اخوها طاح= عله اتراب الثره توسد الفخر الها وحگ جدها= ابصبرها غدت تتجلد ظهرها انكسر مثل حسين على حسين اوتهل العين = ابگلبها شبت النارين نار امصاب اخوها حسين= ونار الخيم شافتها ما بين الخيم وحسين =هذا الحال بت حيدر اخوتها اعله الثره نومه= وبيها حاطت العسكر ردت للخيم تركض =تريد اتحامي الخدر لمتها اودمعتها ايسيل گبل ليجن ظلام الليل = ولن تسمع صهيل الخيل وصاحوا بالخيم فرهود= يامعظم رزيتها اجت تتفگد السجاد =والجو شافته اتغير عواصف هبت الدنيه =ومن دم السمه امطر نشدت من علي السجاد= تگله الكون صار احمر يگللها وبدمع همال اجمعيها حرم واطفال = ذاك الراس عالعسال يعمه اوللسبي اتهيئي علي تصعب مسيرتها زينب يم علي السجاد= وتغير نظام الكون لن صوت اوهظل وصياح =ودگت حافر الميمون بصهيله اشها لظليمه يصيح =بچه عالم المسكون الويل الويل للامه الذبحت والد اليمه = محمد جده اوامه بمصابه احنه نعزيها= مياتم حزن نصبتها