غيبتك محد يعرف احدودها=وطلعتك الا بامر معبودها تظل غايب دوم ياتالي السلف=وما مثل صبرك ابهل الكون انوصف دين طه المصطفى ظهره انعطف=من فعل اهل الارض ويهودها غيبتك طالت يشبل العسكري=والهضم يغلي ويهيج ضامري شوكت للامه تگلها اتبشري=وعالمچارم والمعالي اتگودها الك ثارات الذي يعدها الدهر=من اسولف بيهن الساني أيعثر الك ينتظرن يامام المنتظر=وبيك هالامه ايتحقق زودها واحملت همين ياشبل الطهر=هم تريد الثار من اهل الغدر وهم التذبك يسلطان العصر=وبالنصر انته اصبحت موعودها بيوم جمعه تطلع بمكه الصبح=بسيفك وصحبتك عزمك والرمح يامصيبه اللي تهيجك ياجرح=والليالي اعليك لبست سودها ثار جدك سيدي ثار الرسول=هذا اول ثار الك يبن البتول ابد لا ترحم اعدائك من تصول=وامحي من فوگ الوسيعه وجودها وبعد ثاني مصاب ابد ما ينسه=امصاب ام الحسن سيدة النسه سيدي ابيا جفن دمعك تحبسه=والمصايب انته صايرعودها وثالث امصاب العليه ضاگ الفضه=ويبقه يسعر ما انطفه جمر الغضه ثار ابو الحسنين ثار المرتضى=الذبل مابالشجر لجله ورودها سيدي هم يمر بجفونك وسن=والك ثارات الذي ما ينسن ثار جدك سيدي ثار الحسن=وياه اميه نقضت كل اعهودها سيدي جني الك اسمع انين=من گلب دامي ويشيب الجنين ابشر اتنادي يجدي ياحسين=اليوم اجاني الامرمن معبودها وحگ دمك ثاري ابداً ما يضيع=يلي جسمك صار من دمك نجيع سيدي ابيا حضن عبدالله الرضيع=مصابه فسر للصخر جلمودها كل مصاب ايريد اله نوح وعويل=وكل مصاب اللي يجي ايزيد الغليل مصاب جدك سيدي امصاب العليل=على الناگه اميسر ومگيودها وجدك الباقر الباقر للعلوم=سيدي مسموم من ارذل الگوم ساعد الله گلبك اشيحمل اهموم=يلي للدنيه اصبحت عامودها وجدك الصادق وصادق ما يگول=اطلب ابثاره يبن فحل الفحول على اعدائك سيدي حورب وصول=وبيك هالامه يصير اسعودها وموسى بن جعفر گضه بسجن الرشيد=اهدعش عام انسجن لو يمكن تزيد سيدي تسمحلي اخبرك بالحديد=وشيعتك هذا المرد لچبودها سيدي المعبود بمصابك رضا=والعدوك لو صدر امرك رضا انشد المامون من سم الرضا=شعمل ياسايه اشمزك لبنودها سيدي وثارات الك ملهن اعداد=وعنك ابكل يوم لن الحزن زاد ياشباب اليمه ياثار الجواد=السمته لابد تنتزع اجلودها سيدي اطلب ثار ياصاحب الثار=العلي الهادي جدك وكل الابرار من آل اميه وبني العباس الاشرار=وحارب بسيف العداله اجنودها اشگال گلبك سيدي بيوم الاثنين=يوم من ودعت عودك بالونين صبرك اويه الدمع ظل طول السنين=جبل صبرك ماتهزهزطودها سيدي والصار عدنه ابهل الزمان=الشيعه اصبح ثوبه الذل والهوان لون تندلك يحر بيا مچان=چااجينه بدمع يامفگودها وشوكت شمسك ترد من المغيب=وما يداوي اجروحنه غيرك طبيب ولشوكت نبقه ابمناحه وبنحيب=وشيعتك يمته يحراتعودها سيدي واصبحنه من دون الامم=وذاك عزنه وسورنه العالي انهدم حاربتنه اعداكم المالها ذمم=چي نحبكم هذا هومگصودها ونبقه انحبكم يسادات البشر=اشما عمل ويانه ويسوي الدهر مثل جدك سيدي انصبنه ابحجر=وهالمصيبه عليك اظن مردودها على مصايبكم نظل نبچي ونشيط=ولافرق عدكم ضعيف امن النشيط اوساطه صرتوا ونعم الوسيط=يبن معبود السمه وعابودها