هاي رايه الرسول اختارها=بيد حيدر يرتفع شنيارها هاي رايه وتذهل ابطال الحرب=تحسم الميدان حين اللي تطب بيد ابو الحملات چشاف الگرب=ابد ما غيره انعرف كرارها ابسبعه وثمانين غزوه رفرفت=بيد حماي الحميه اتشرفت راية الإسلام ما يوم ارجفت=بيد حيدر من يطب لاحضارها كتبت ابسوح الوغه ابغزوة بدر=نصر شامخ ظل يرف هذا النصر شما يطول الدهر تبقه للحشر=الرايه والتاريخ يروي اخبارها وباحد وحنين باحامي الحمه=طفت النار اللي چانت مضرمه رايتك ياعلي بيوم الموزمه=شما تشب الحرب تطفي نارها نازلت بالرايه ابطال الحروب=ياعلي وفرسان جدامك تذوب برايتك ياحيدر اكشفت الكروب=عن وجه طه النبي مختارها وخل نشوف بيوم خندقها اشصار=زاغت من الخوف كل ذيچ الابصار للحناجر وصلت الروح ابمرار=حين ابن ود شافته وكفارها ومرحب اللي بالشجاعه انعد بالف=التقدمله رجع حيث أيعرف ليموت والثاني ايعرف ويعترف=غيرحيدرمايخوض اغمارها صاح طه وگلها سمعت صيحته=باچر انطي رايتي الاشجع فته الله ايحبه ورسوله ونصرته=عالاعادي بيوم حرب اشرارها وصار باچر والنبي اتخطه الرقاب=وطالت اعناق الرجال من الاصحاب وكل فرد منهم يگول انه الاهاب=وتاهت من الزلم كل افكارها وگف بين الجمع سيد المرسلين=وين حيدر صاح امام المسلمين جابوه حيدر علي ارمد العين=بخمته ومحجوب عن انظارها صاح اريده ومن اجه ذاك الاسد=اخذ من ريجه مسح والعزمه شد مسح عينه وراح كل ذاك الرمد=وغدت من نوره تشع انوارها صاح ياحيدر يحماي الحمه=ابد ما غيرك الهاي الموزمه معقل الخيبر اريد اتهدمه=وخل تخاف شماطول اعمارها ونزل للميدان مرتاح الگلب=ومرحب اللي عارضه ابنص الدرب من عرف لن حيدره انصاب ابرعب=وصار يتلفت يدور اعذارها رجع شاردهالخسيس ابن الخسيس=وعود اهوالمعروف لوصارالوطيس خوش تالي وهدنه وجابه ابليس=وصله الحيدر ابشر افكارها من وصل للمرتضى وصار الطراد=چسم راسه وانجسم حته الجواد وصل سيف المرتضى وهزهزاوتاد=الارض وتمايلت كل عمارها وبگت هالرايه بميادين الشرف=ترف والكون المابتها رجف چف علي الكرار سلمها الچف=للحسين السبط سيد احرارها والحسين الرايه سلمها العضيد=الگمر هاشم دونها اصبح شهيد ضحه عينه وهامته وحتى الوريد=وضحه روحه ويمنته ويسارها