الك عبره بكل گلب يحسينها=على مصابك ياسبط ياسينها مصيبتك تدوي بگت باذن الدهر=ياشهيد الابه وعنوان الفخر خلدت يومك بمحزوز النحر=بانتصارك يافخر عصرينها بصبرك بحلمك بنصرك يعطشان=انته خطيت الابه ومعنى البيان بمدحك بمعناك يخرس اللسان=انجدد امصابك ابمر اسنينها بانتصارك سجلت معنى الابه=بشرف يومك نلت اعظم مرتبه نهضتك ياخامس اصحاب العبه=حققت معنه الرساله ودينها وگفتك يحسين ما بين الجموع=بگت بالتاريخ تضويلك شموع وانته يبن المصطفى محني الضلوع=مثل حيدر وگفنه ابصفينها الك صوله واذهلت بيها الصفوف=ما تهاب اجموعها وذيج السيوف يالذي بدمك زهت ارض الطفوف=والعداله ابنهضتك تدوينها ما مثل يومك يمر اعله الإسلام=لا وحگ صبرك يبن سيد الانام عگب عينك زينب اتلم الايتام=على امصابك تجري دمعة عينها كملت دور العليها ابكربله=اتحافظ ايتام وتلم العايله الچانت امخدره ابعز امدلله=ابيسر تمشي وتدخل ادواوينها الها وگفه واذهلت بيها العده=بروح ثوريه وشجاعه صامده وبفخر صوتك اهيه اتردده=استشهد الدنيه وحضه ابدارينها شلون حالتها امن اجت للعلگمي=للكفلها بس مدامعها اتهمي عگب عينك منهو يحمي امخيمي=والكفاله اليوم طاح ايمينها لا تخليني غريبه امحيره=عگب عينك لا يسبع الگنطره صدگ من عگبك اروح اميسره=هالمصايب انه ويني او وينها ما انشاف اخيال الي ابطول الزمان=تالي لن عمري گضيته بالاحزان تالي لن حادي الضعن شمروسنان=وزينب اختك يالولي اميسرينها