يامصيبه عالجسر باحزانها=بچت الدنيه وجميع اكوانها يامصيبه البچت املاك السبع=والدهر احزن عليها ومنصدع حين نذكرها يهل منه الدمع=بلوعه نذكرها ونعيد اشجانها وكل مصايبكم سيادات البشر=ويانه ظلت عايشه ابطول الدهر انتوا للامه ملاذ امن الخطر=وبيكم الكعبه تعظم شانها من مثلكم ملك بالكون الخلود=انتوا سادات البشر بين الوجود الآيه ذكرتكم الركع والسجود=فزتوا برياض الخلد وجنانها عالارض ياساده ما چان انوجد=لا عداله وشرف لاصدگ انحمد لو لا ما انتم فلا الباري انعبد=وچان لسا نعيد الاوثانها لچن رحمه للسمه ولهل ارض=جدكم وانتم صبح حبكم فرض النجاة انتم ومنكم نتعض=وانتوا للامه فخر عنوانها المجد احنه هامته وليكم ركع=بيكم ايامن الخايف لو فزع باري الاكوان بس عدكم جمع=الجنه والكافر يطلب نيرانها فاز بيكم من تعلگ واستجار=واليحبكم ما تمس جسمه النار عدنه ثابت للابد هذا القرار=وحگ من اتعفر ابترابها نلتوا هاي المكرمه بالتضحيه=من بذلتوا انفوس طيبه وغاليه اتسامت وراحت الربها ساميه=ولعد ربها قدمت قربانها اشما يجور الدهر تزدادون فيض=عله اعداكم سادتي ابشربه الگيض ما سمعنه الكم عله افراشه مريض=ومات من طبروطعن بسنانها چم رضيع وچم شباب وچم كهل=لوسهم لو سيف لو سم انچتل يمته يالغايب ترد ثار الاول=من آل اميه ومن نسل مروانها سيدي ما اريد اجرحك والامر=بيد باري الكون ياشبل الطهر ساعد الله گلبك اشيحمل صبر=من المصايب يافخرعدنانها تنسه جدك سيدي عود الرضا=بالرطب مسموم وبسمه گضه سيدي هالامر ليك انفوضه=وانته بيه اعرف يسراكوانها ارد احلفك بالرضيع ومصرعه=هم يجف دمعك وينشف مدمعه وجدك الشالوه احماميل اربعه=وهوه سيدها انسها وجانها مثل دمعك سيدي دمع المحب=شلون دمعك من يصب دمعه يصب ومثل گلبك منمرد منه الگلب=عالغريب المبعد من اوطانها ما اكتفه ابهل عمل هارون الرشيد=سود الله وجهه اليوم الوعيد نعش فوگ الجسر ومكبل حديد=وهوه من هاشم وجل اعيانها الشيعه شيعوه ابدموع جاريات=اعله الخدود وهذا فخر الكائنات لاچن اشحال الذي ابجنب الفرات=مات ظامي وماروه عطشانها مات ظامي وعوده ساقي السلسبيل=ويفتخر من يهز مهده جبرائيل شلون برض الطف گضه ظامي چتيل=وجثته للخيل اصبحت ميدانها وطاح فوگ العلگمي الهاشم عجيد=وانهشم راسه ابعامود الحديد ضحه چفه وهامته گبل الوريد=والكفاله اتگطعت ذرعانها