يحسين بس انت اصبحت ثورتك=الهام العلا ترفرف بگت رايتك يحسين ياخامس اصحاب الكسه=ثورتك صارت بالدهر مدرسه قاموسها كل الامم تدرسه=تدوي بگت باذن الدهر چلمتك چلمه عظيمه وترن باذن الدهر=وكل أبي يحسين ابمجدها افتخر جمعت معاني وحوت كل العبر=بيها انعرف مگصودك ورادتك والله ايدي ما امدها و اذل=وهيهات اقر الكم ولو انچتل ويبقه مصابي وابد ما يضمحل=ونياله يحسين الحضه ابخدمتك تلجلج لساني ومني دمعي جره=حين الطحت يحسين فوگ الثره لله درگ يبن سيد الوره=بچت املاك السمه امصيبتك چم جرح بيك وطحت من المهر=وسهم المثلث يبن فارس بدر هوه المرد چبدك وحر الظهر=حروعطش وسهامها ابچبدتك ياسيدي امصابك نحسبه فرض=واجب علينه وعنه ابد ما نغض السمه اظلمت من طحت عالارض=اظلمت الدنيه وكونها الطيحتك والصار من بعدك يسيد الابه=خيام الرساله اصبحت متلاهبه وگبل الحرگ ياسيدي امسلبه=انشلت يمينه اللي حرگ خيمتك وشلون ليله المرت اعله الحرم=راحت زلمها ولا بگت كل خيم وانذال اميه ما تعرف الرحم=فرحانه يبن المصطفى ابچتلتك بس العليل وخيمته اللي بگت=وباقي الخيم يبن النبي اتلاهبت وليلة الحادي عشر حين اللفت=بس زينب الحره تحرس عيلتك وزينب الحره ياشبل حيدره=هيه الكفيله وبالحرم حايره بليل اهدعش زينب بگت ساهره=باحمر مدامعها لمن نادتك احلف وحگ امك وكسر الضلع=من صوتت بچت املاك السبع يبست محاجرها وچف الدمع=وهالوگفه يبن المرتضى المتك موجود تل الزينبي الهالعصر=اعليه وگفت الحره ابمدامع حمر يحسين خويه انهض يشبل الطهر=وسرع تره الخيل اوصلت ثايتك من سمع اخته اتململ امن الارض=هاجت حميته وگصد لن ينتهض گام وسگط شبل اللي حبه فرض=وكربله افتخرت بيها چي تربتك ايست منك زينب وصدرت=ونفذت وصيتك وابد متعذرت ترعه اعيالك وابد ما قصرت=وجبهتها مصيوبه مثل جبهتك طفت النار البالخيم مظرمه=وجمعت اعيالك يبن حامي الحمه وشلون ليله مرت ومظلمه=بذلت جهدها ونفذت وصيتك اتناصف الليل ولن سواده اگبلت=اعليها ومدامعها اعله خدها جرت احنه بنات المصطفى اجهرت=وحيدر ابونه روح لولايتك لن صوت تسمع انه عودچ علي=لحد يبويه گوضوا كل هلي حرمه بگيت ابكربله ابلا ولي=وصرختي ياكرار ما وصلتك يابويه السلمان انته احضرت=بيدك يبويه غسلت وادفنت شنهو السبب عن كربله اتعطلت=عن ابنك وشنهو الذي شدهتك يابويه كل اخوتي راحوا چتل=عگب الدلال اشلون ترضه اذل وانذال اميه حضروا للهزل=الحگ الها زينب تبچي وندبتك يابويه ما صارت ابعمر الدهر=هاي امصيبه البيها شفنه الامر چم نذل يابويه علينه جسر=ما رعوا هيبتنه لجل هيبتك