ثورة حسين اعله مر اعصورها=شامخه وهيهات يوگع سورها تبقه هالثوره على مر العصور=شامخه وهيهات يوگع الها سور بدر چنها واخمدت كل البدور=وهالبدر اضوه اعله كل ابدورها يابدر هذا ابسمه العليه ارتفع=ما خمد نوره وعلى الكونين شع حسين هذا اوبيده سيف الحگ لمع=والعداله صار هو ناطورها صار ناطور العداله بكل زمان=والشرف والعز صبح الهن كيان الابه بيه اتخلد وخط البيان=انكتب وانذاع اعله كل جمهورها شبل حيدر جمع كل هاي الصفات=وصار مجده خالد ابعمر الحياة الشجاعه والشرف والغانمات=بچف يمينه والشهود ادهورها الجمع كل هاي الصفات الخالده=الدهر يفخر بيه واسمه أيردده الكره الارضيه ابكبره اتمجده=والسموات وجميع ابحورها مثل مجده ابد ما يحصل مجد=الكره الارضيه امن ادورها مجد وگف وگفه الدينه اوبيها مجد=بذهب مكتوبه جميع اسطورها هز ربوع الطف شبل حامي الدخيل=شحدها تثبتله بعد فرس الخيل انطوت جدامه وحمر دمها يسيل=وبرهيفه الحرب صار ايدورها ما بگه بالكوفه بيت وما اله=لو مصوب لو چتيل ابكربله صارت الكوفه اعله اهلها معوله=حزن عدها وراح كل اسرورها جبل شامخ من وگف برض الطفوف=ما تهزز عزمه من ذيچ الصفوف لا نبال ولا رماح ولا سيوف=هزته ولا خاف من كل جورها سلم بس الشرد من حرب الحسين=اسد چنه وهاج ليها من العرين هذا ابن الانزع الليث البطين=صار عدها انهارها ديجورها بعد هاي الصوله رد لمخيمه=شاف رضعان وتلوب امن الظمه يفگد اعياله شبل حامي الحمه=شذنب هالاطفال شنهو قصورها ودع اعياله بدمع والهم دعه=وراح ودموع العقيله اتودعه وبعد ساعه شلون شافت مصرعه=بحاله لجله الشمس اظلم نورها