يمته يبن الحسن يا مهديها=تنتهض وجروحنه اتداويها يمته تنهض سيدي وتطلب ابثار=اجدادك الطيبين يانسل الاطهار اشلون تهجع سيدي وتاخذ قرار=وامصايب ما اظن ناسيها يامصيبه اعليك يالغايب تهون=وما مثل گلبك حمل هاي الشجون الك ثارات و الك كثرة ديون=وغيرشخصك من يطالب بيها سيدي يبن الميامين الطهر=ساعد الله گلبك اشيحمل صبر چم صدر بالطف ترضرض چم صدر=خيل عدوانك تدوس اعليها سيدي اعله الارض ما غيرك شفيع=ارد احلفك لاچن اقسم بالرضيع اشلون حالك من تطب لرض البقيع=هم مثلنه دمعتك تجريها وحگ دمعة فاطمه وكسر الضلع=من تطب لرض البقيع اتصب دمع امساويه اگبور العلمها مرتفع=شوكت تنهض سيدي تبنيها گبر ابو محمد سليل المصطفى=من تشاهد گبره حاله مؤسفه ويگصر الساني گبر ما اوصفه=العليل الطف يبن هاديها وجدك الباقر يبن مكه ومنه=اشلون من بين الگبور اتبينه وجدك الصادق يراعي السلطنه=اگبورلهلك بس حزن عاليها جدك الصادق يشبل المرتضى=بيوم فگده اظلم على حزنه الفضه سيدي انعزيك ياعود الرضه=ابعودك اوكل هاشم انعزيها وجدك الكاظم امكبل بالحديد=گضه عمره بسجن هارون الرشيد ما اظن يبن الحسن تفرح ابعيد=وكل مصيبه امصيبتك تجزيها وكل مصاب اعليك لازم نعرضه=نهيج احزانك يشبل المرتضه مصاب جدك سيدي مصاب الرضا=مصابه لاملاك السمه امبچيها ويامصيبه اعليها ما تلبس سواد=ومامثل حزنك يصير ابهل العباد سيدي انعزيك بمصاب الجواد=بلبن بيه سم مهجته مگطعيها وجدك الهادي يبن سيد العرب=اتملك السم مهجته وگلبه انشعب هم تنام وتهجع وتنسه الطلب=والاعادي نايمه امخليها شلون تهجع سيدي وتغمض عين=چم وچم ثارات الك تطلب ودين ودعت عودك وابن خمسة اسنين=وهاي غيبه الصغرى انسميها وصرنه بالغيبه الكبرى ابهالعصر=وگمنه نتگلب يغايب عالجمر ننخه باري الكون كل يوم اليمر=تنتهض وجروحنه تشفيها وما عرفنه الصار بينه ولا نحس=چي تركنه دينه وعزة النفس نمشي الزهره اعله الله ونلتمس=تظهر وهاي المحن تمحيها كافي من الصبر يبن العسكري=والصبر ندري امر امن الشري گمنه بالباطل بيع اونشتري=والمچارم ما بعد نطريها گمنه نصفچ سيدي راح اعله راح=وسفه عالاسلام يالمحجوب راح بيك ننخه ابكل مسيه اوكل صباح=جروحنه مخزنه الولم ماذيها