زينبكم يحامي الجار زينبكم=وحيده ابكربله امست تحشمكم وحيده ابكربله امست تدير العين=انذبحوا كل اهلها اوشيدوا هالدين دون الشرف دون الخدر دون حسين=ضحوا واگفلت زينب حرايركم وحيده اصبحت ما ظلت زلم عدها=الگفلها طاح على المشرعه اتوسدها كل الفخر بس الها وحگ جدها=ابصبرها وبشجاعتها تمثلكم بلاغة حيدر الكرار عد زينب=حگه الدهر بيها صار يتعجب ورثت امها ابصبرها يوم التصوب=صدرها اوطاح فوگ الگاع محسنكم ملكت صدر المعاره والبست جلباب=من الصبر صار الصبر الها أيهاب ون الدهر الها من بدت بعتاب=يهلي لا تلوموني امن اعاتبكم عفتوني وحيده وانه عندي اطفال=وعليل بمرض مبلي وهاي عندي عيال انه حگي اعاتب وبدمع همال=انذال آل اميه حرگوا اخيمكم انه ابهل لحال وعيوني تصب اعبار=مني راح خدري والشمل طشار يخوتي اوياي گوموا طفوا هاي النار=انهضوا مو وكتها اساع نومتكم انبح صوتي يخوتي وجف دمع عيناي=وينه اللي يساعدني وينوح اوياي راح اللي كفلني اتگنطر اعله الماي=سگط فوگ الشريعه اجمل علم منكم كل چف ابكتر من طاحن اچفوفه=صابه السهم ياويلي اوفگد شوفه باچر راح اودعه وامشي للكوفه=اشلون امشي اوعله الغبره اعوفنكم يبو فاضل يخويه حضروا للنوگ=انه حگي اعاتب الي اعليك احگوگ اديت الكفاله والكفاله اتلوگ=ثوب العز تفصل دوم بس الكم اديت الكفاله وحگ راس حسين=من گبلك الضحه ابهامته وچفين لجل اخته وخدرها ضحه شوف العين=وهذا الشرف اصبح دوم منهلكم انته اللي اكفلتني والگلت بحماي=گومي امن المدينه الكربله وياي عگب عينك يبو فاضل ولتني اعداي=واحشم ماجه نغار من عدكم ايست من اهلها واللغري صدت=يبويه احضر بناتك ياعلي ندبت زلمها اتذبحت وخيامها انهبت=ولو حيين منهو اللي يصل حدكم