يبن الحسن من الصبر ملينه=اشوكت تنهض تعيد الحگ يمهدينه راح الحگ يبو صالح ولا ينعاد=وكل يوم اليمر عدنه الظلم يزداد غذانه النوح يالمهدي بدال الزاد=اعاديكم يبو صالح گصت بينه الممشه والقرايه واللطم ممنوع=وسمعنا من الاعادي حچي الما مسموع اشوكت تنهض ترد حگنه وتأمن الروع=وتبچي اعيون من چانت تبچينه راوانه الدهر يبن الحسن ويلات=من عدنه علينه ثارن الچيلات ابد ما ننصلح يبن الحسن هيهات=مثل اللي طعن روحه ابسچاچينه ما بينه الينوض اوينهض امن الگاع=وصرنه چالفريسه وحايطتها اسباع النه الحگ نعرفه لاچن الحگ ضاع=وعندك نشچي يالمهدي مآسينه وحگ صدر الوديعه بت بني الإسلام=حبكم شرف النه و هذا احله وسام الگم يگصد المظلوم ولا ينظام=فضلكم على المخلوگ بارينه واحنه چي نحبكم بينه هذا الصار=اعداكم حاربتنه والشمل طشار چي شيعه نحب حيدر علي الكرار=الهذا السبب تكرهنه اعادينه ابهذا الحال صرنه ونشچي هذا الحال=وعلينه بعد ما تدري اشتمر اهوال اشوكت هذا الظلم يبن الحسن ينزال=وتفگ امن اليسر بيدك ايادينه هذا الصار بينه وبعد أيصير=چي واحد للاخر گام يحفر بير نحب الخير النه وما نحب للغير=ومنهج سيد الكونين ناسينه وهذا الدين عدنه يحچي عالمكشوف=للمنكر ينكره ويامر ابمعروف تعال اوشوف عدنه اسال تعال وشوف=على المنكر يبو صالح تأخينه عفنه الدين ونسينه كرامتنه=يبو صالح رضينه احنه ابمذلتنه ندري ما تهون اعليك حالتنه=لاچن احنه هذا الحال يرضينه الينصحنه نكرهه وبيه ما نرضه=هذا الحگ نعرفه لاچن انرفضه نشوف اعراضنه بين الزلم عرضه=نسينه الدين ونسينه قوانينه نقسم عل الاله ابسيد الكونين=وبحيدر علي وبجاه راس حسين يعجل طلعتك النه وتشيد الدين=انخبطنه اوما بعد غيرك يصفينه