يمسكين اعله نفسك لا تبطل نوح=يجيك الموت لو عمرن عمره نوح يجيك الموت مهمااعله الوسيعه اتعيش=والريش العليك ايطيح ذاك الريش اصحه يبن آدم لا تظل ابطيش=واعمل عمل طيب منه ريحه اتفوح مثل آدم يبن آدم الربك توب=واعمل عمل صالح طيب و مرغوب اعمل خير تمحي ما عليك اذنوب=ومسعه الخير يشفيك اويطيب اجروح اعمل يبن آدم عمل يرضي الرب=گظيت العمر وانته ابدنيتك تلعب بالدنيه التوبه اهوايه الك اگرب=شوكت اتوب من جسمك يظل مطروح من ينطرح جسمك والمرض يولاك=ذيچ الساه اتسلم امرك المولاك شتگل للموت يبن آدم لون ناداك=وما عندك عمل طيب البيه اتروح نام اعله الوساده وفكر ابامرك=شنهو الي عملته ونگظه عمرك الينفعك ما تتبعه تتبع الضرك=اعمل الخير راعي الخير اهو ممدوح انصحك يبن آدم لاتظل وهمان=من تتبع هوى نفسك تره خسران خل جهدك الدينك لا تظل عريان=اعمل خير شيد للديانه اصروح انصحك لا تطيع النفس اماره=انهرها لا تخلي نفسك احجاره ابجهنم والدموع هناك تتجاره=ومتنفعك دموعك والبچه والنوح انصحك لا تطيع الناس تتندم=ابتعد عن المعاصي دوم تتكرم امشي بامر دينك دوم بيه اهتم=حافظ عالكرامه لا تطيع الروح الدوله اللي يخالفها عليه حساب=واللي ايخالف القانون ما ينهاب اشلون اتصبر لو سدوا عليك الباب=بكثر متصيح هذاالصوت اهومبحوح تدورلك وساطه ابكل صفه ومسلك=ونفسك تخلصها گبل لا تهلك وبرشوه ومحامي ايخلصوك اهلك=ترد لهلك امكيف وبگلب مبجوح بالدنيه اخلصت لاچن اهناك اشلون=وبالدنيه سهل سجنك عليك ايهون بجهنم تبقه يبن آدم تره مسجون=كتابك بالمعاصي وبالاثم مفتوح گبل لا تطب جهنم تسمع الها ويد=الحديد يذوب لوجسمك يصير حديد متفيد الندامه والاسف ميفيد=توب اهناه باب التوبه الك مفتوح ادليك ابعمل بيه ينمحي ذنبك=حب اهل الكسه بيهم رضه ربك محبتهم امان و مايمر گلبك=خوف وكل عمل گبل اعمل مسموح انصحك بيهم اتوسل تراك اتفوز=اليحبهم دوم عد باري السمه معزوز ابجاه ام الحسن هالحب يظل مغروز=بگلبنه بجاه من بالطف بگه مذبوح انذبح عطشان برض الطف لجل هالدين=حافظ عالكرامه و فاز بالدارين ومثله فاز ابو فاضل فده ابچفين=سابح بالدمه فوگ الشريعه اسبوح سابح بالدمه اوگصده يوصل الماي=لخيامه شبل حيدر گصد عناي هاي التضحيه وهاي المكارم هاي=انجمعن عد ابو فاضل ابكل اوضوح اسمه الساقي چي ساقي عطاشه الطف=اله موقف رهيب شلون يتوصف انذبح عطشان واسمه بالوفه رفرف=عالي بيرغه بارض الطفوف ايلوح