يباري ابجاه سيد الكون راعيني=انه عبدك المذنب لا تجافيني انه عبدك المذنب بيش اواجه بيش=ما عندي عمل غير الجهل والطيش تراودني المعاصي واثر التشويش=على عقلي وتريد اتجرني عن ديني انه عبدك المذنب والذنوب اهواي=ما غيرك اليرحمني اويجيب انداي بذنوبي اغرگت ماخذني روج الماي=ارحمني وابد ما غيرك ينجيني ارحمني بجاه طه المصطفى العدنان=انه عبدك المذنب وانته المنان انه المذنب الك ياراعي الاحسان=نور گلبي واعله الخير دليني ارحمني ابجاه حماي الحمه حيدر=المحامي ايصير اليه ابساحة المحشر ارضعت حبه واريد ارتوي من الكوثر=وما غيرك يبو الحمله اليرويني ارحمني ابجاه من انصابت ابسمار=وبجاه الضلع ولي سگط بالدار ارحمني بجاه من غضت لها الابصار=ابشفاعتها اريد افرح تگر عيني ارحمني ابجاه من بالكرم صار اكرم=من حاتم الطائي وانته منه اكرم يباري الكون ما غيرك ابد يرحم=ورحمتك دوم هيه الي تسليني ارحمني بجاه ريحانة الهادي حسين=الاحيه دين جده اتخلد ابدارين انه عبدك المذنب ما اليه امعين=وغيرك من يخلصني اوينجيني بخمسة اهل الكساء ارحمني يارحمن=اهديني اعله الصراط ولا اظل وهمان مذنب الك وانته راعي الاحسان=ولطفك يا الهي دوم چاسيني وبسبع المثاني بيك اتوسل=وبخلص عبادك من ولي ومرسل دليني اعله درب الخير ما اندل=غيرك منهو يرحمني ويدليني ارحمني بجاه ابو الباقر عليل الطف=عليه ابرحمتك يا باري اتلطف لا اعرف اليضرني واعرف اتصرف=وما غيرك يسامحني ويراعيني ارحمني ابجاه امامي خامس اليمه=ابو جعفر الباقر يبقر ابعلمه عبدك لو غلط ما غيرك أيرحمه=وانه المذنب بأحساسي وشراييني ارحمني ابجاه امامي جعفر الصادق=ابجهلي معترف وبذنبي الك ناطق من لطفك ومن عطفك انه واثق=وذنوبي امن اعددها تبچيني ارحمني بجاه امامي موسى بن جعفر=انه مذنب الك بذنوبي اتعثر ياسايه الاعدها وبيش اتعذر=وساياتي امن اعددها تخزيني ارحمني بجاه من اندفن بخراسان=انه معترف وبذنبي الك غلطان الغفور انته الرحيم الواحد الرحمن=عفوك رحمتك بيها تجازيني بجواد اهل الرساله ارحمني يامولاي=مذنب الك اتوسل اوهذا انداي علي يوم القيامه اشهود كل اعضاي=واعضاي الجهنم چن توديني بعلي الهادي اتوسل بيك يامعبود=مذنب الك والعطفك انه مقيود ما اديت حق الطاعه والمريود=مني وغير لطفك من يحاميني بالعسكري اتوسل واندبك يارب=من عطفك ومن لطفك اريد اشرب من ماي المان ورحمتك اگرب=اليه و دوم بيها الهج وتدريني بكل معصوم يامعبود الك ناديت=يباري الكون وبلطفك عليه رديت وبجاه الخضر وبغايب اهل البيت=حسن العاقبه ورايد تشافيني