زينب لليسر راحت =زجر و شمر حاديها واليوم اجت امن الشام=تزور اگبور اهاليها زينب لليسر راحت= لاچن راحت بياحال شافت هضم مامشيوف= من عنده تزول جبال شافت عيلة الهادي= يساره امچتفه بحبال شافت چم يتيم اللي =يشچي من عصه الجمال شافت طبت الكوفه= تتفرج عليها انذال شافت والد الباقر= عليل امقيد اباغلال شافت چم نذل شامت= يحاچيها وتسمعه اشكال هاي اخت البطل عباس= اخوها عينة الابطال صاحت وبگلب دامي= ما چان يخطر عالبال مني ينفگد خدري =وخدري مضرب الامثال هالحاله يبو فاضل= المن بعد اشچيها كل الصار بالكوفه =ومصيبة كربله خلها گطعت دروب ليل انهار= مچتوفه على بلها وظعن السار من طيبه= وعيله الچنت كافلها عگب عينك يبو فاضل= الكفيله انه صرت الها وعگب ذاك الخدرو العز= صرت ابره المحاملها ومن طبينه لرض الشام =الشام اطلعت كلها تتفرج علينه الناس= عافت كل منازلها هاي العايله الچانت =جبريل اليخدم الها وعلي السجاد اله چلمه= وهالچلمه يرتلها امي لا تلدني ريت =ويراني أيزيد انه ابذلها وحراير حيدر الكرار= وساقه الحزن عاليها ونزلونه يبو فاضل= خرابه اوبيها ظلينه الشمس تلذع حرارتها= ولا من برد تحمينه مصيبه اشلون اوصفها= يخويه الصارت اعلينه يتامه اوحرم مسها الخوف= ابهذا الحال طبينه على يزيد النذل فرحان= وعلينه زرك عينه وگفنه اگباله مچتوفين= وشفنه الراس بيمنه يترنم بابياته =اويضرب راس والينه وحگ عينك ندير العين= وذيچ الساه تمنينه حي والسيف بيمينك= وتشاهد حالة اسكينه وتشاهد حالة اعيالك= وتشچيلك مآسينه وعگب ذاك الخدر والعز= هاي العيله تاليها واجيت امغيره ارسومي= يم گبرك ينور العين اشچي حالتي عندك= واشچي حالتي لحسين يخويه اليسر دوهني= ريت اوياك اخذني البين عفتك عالثره مذبوح =يخويه امگطع الچفين وجيتك ردت تنشدني =يختي وين چنتي وين حتى اگعد واسولفلك= يخويه بين حين اوحين اصفگ راحتي وانحب= ومن عندي تهل العين واسولفلك مصايبنه =يخويه البچت الكونين نشچي اليسر ولامه= بسهامه احنه مصيوبين ونگلك للوطن ردنه= يخويه جينه متعنين لمحمد نريد انروح =مصايب كثره نشچيها