سم الصاب بيه چبدك= صوب چبدة الإسلام وحزنك سيدي باقي = عدنه انجدده ابكل عام من نتابع التاريخ= ومن نفتح سجلاته نشوف المصطفى وآله= اهم للكون سادته باري الكون فضلهم =عليهم نزل آياته جعلهم قبلة الانظار اليحبهم ما تمسه النار = مثلهم بالدهر ما صار ضحوا لجل هذا الدين= والهم شهدت الايام مسمعنا مشيب الهم =تمرض على فراش ومات سمعنا اللي يهيج احزان= من عدنه اونجر حسرات سمعنا بموسى بن جعفر =سجين ودم على الوجنات من عدنه حمر دم سال امام امگيد اباغلال = مصابه صوب الدلال لجلنه المحن عاناها =وقاسه من محن وآلام روايه اتگول تسع اسنين =و روايه اتگول بعد اكثر ابسجن الفضل اولها =سنه قاسه بردها وحر تالي انقله امن البصره =سجن السجن بيه يفتر وهوصابر على الحال ابسجن ومگيد اباغلال= بدعانه بالعباده اشكال دعيتك للعباده افرغ =الهي اشكرك ياعلام من البصره السجن بغداد= والسندي يحوم اعليه السجن طاموره تحت الگاع= شعاع الشمس ميراويه هذي حالته ويامر= يگبل بيده وبرجليه وهذا الامر من هارون منح محد اله يصلون = حتى لا تشوفه اعيون وجماله ابن عمه ايصير =هذي هم صلة ارحام الناس اتريد تگصد ليه =ما واحد يدليها تريد اتشوفه وتنشده= عالحاله الذي بيها آخر حادثه الصارت= ابن سويد يرويها متى ياسيدي تطلع عله افراگك فلا نهجع = يبن اسويد كله ارجع الوعد عالجسر بالجمعه =وخل يحضرالخاص وعام صار الوعد والوادم =اجوا عالجسر ينتظرون حماميل اربعه شافوا =النعشك سيدي ايحملون وصوت الهز مضاجعنه= امام الرافضه اينادون وهذا الصوت ظل يدوي هز العالم العلوي=هاشم خل تجي اوتطوي الارض توصل لرض بغداد= وتنشر للحزن اعلام اجتمعت كل هذيچ الناس= ومنها الدمع يتجاره ونصراني البيب المر =وابن سويد اهو اختاره وشافه اوصاح يبن سويد= خلها اتطالب ابثاره اذا عنده عشيره اتگوم تطلب ثار للمسموم = مسموم اله ثالث يوم شوف السم سره ابجسمه= ما عنده اهل واعمام عليه اجتمعت الشيعه= وسليمان اولهم غايب ما بگه هيهات =گصدوا للنعش كلهم النسه وارجالها تلطم= عافوا كل منازلهم هاجوا من مضاجعهم وغسلوه ابمدامعهم =واحنه اليوم نتبعهم تصيح ابصوت يامسموم= غريب اونلطم اعله الهام من نذكر مصايبكم =وحزنها البچت الكونين ننشد يامصيبه اتهون =منها اوتهمل العين كلها اتهون الا مصاب= مصابك سيدي حسين مصابك فوگ كل امصاب وحزنك يبن داحي الباب=ومثل صدرك صدرنه انصاب ودمعنه اعليك مثل الي= خذوها اميسره للشام