لاتأسف على الدنيا =ابگلبك لا تخلي احزان الحواها گبلك اشحصل= غير القطن والاكفان لا تأسف على الدنيا= تره الدنيا ابد متدوم واحذرك لا تصافحها =اليصافحها تره مندوم الدنيا الغدر عادتها =الها الغدر صار اعلوم انصحك لا تطاوعها ولتغرك ملامعها = لتجرك باصابعها الدنيه اللي تبعها انهار=تهدم بعده البنيان حيدر وصف الدنيا =وعرفها بحقيقتها حبلها اكصير عنها گال= وبعد وصف معيشتها ابذل والذل فلا يراد= هاي الدنيا عادتها تذل الچان عالي الراس وتصعد الما تعرفه الناس =من هاي اواخذ مقياس التضحكه لازم اتبچيه= وبتالي العمر ينهان بعد وصفها ابو الحسنين= وچساها اثياب من الذل ابصيغه مره گصدت ليه =وجمال البيه اجت تذهل تتصور يطاوعها =ويفرح بيها من تجبل اطلب نادته شتريد لخلي الكون عندك عيد =ابعدي صاح من ابعيد يدنيه لا تغريني التبع =خطيچ تره وهمان اربعه الملكوا الدنيه= وهالاربعه انعددهم منهم مؤمنين اثنين= والتاريخ مجدهم التبعهم ما تمسه النار= وبنار الي حاربهم الكون اعترف بس بثنين الشيدوا للعدل والدين = بالقرآن مذكورين اسكندر ملك الدنيه =ومن بعده النبي سليمان وبعد اثنين اهل النار= شلهم يوم بالميعاد النمرود الطغه ابعصره= وگبله عاد ابن شداد گلي اشحصلوا منها =هم الهم ذچر ينعاد الهم ما بگت اثار بس الخزي وثوب العار =التحدوا نعمة الجبار ما خلدهم التاريخ= الهم ما بقه عنوان اسولفلك خبر من نوح= واهو اطول عمر عمر وهو اول نبي مرسل= للامه الخبر يذكر ملك الموت لمن جاه =وجهه انخطف وتغير نوح اشنشد ملچ الموت زياره يوجبت تابوت = لعد گبرك اليوم تفوت واليوم آخر أيامك =بامر الواحد الديان سؤال هناه يريد اجواب= نوح اشگال عن دنياه للدنيه وصف بابين =باب احنه الذي ادخلناه وباب اطلعنه منه اليوم= وهذا العمر خلصناه بحدود الفين من اسنين انگظن ما بين هالبابين=مثل ما گال ابو الحسنين ممر الدنيه وصفها =وعليها ما يظل انسان الدنيه لونها اتدوم= چا ما صرت بيه آني ولا انته صرت مثلي= وهذا الامر رباني ما يبقه عليها احد= العليها ايصير اهو فاني يبقه الواحد المعبود يفنه العالارض موجود=اوما تبقه بحار اوعود يبقه الخلق هذا الكون= بس الواحد الرحمان القيامه اتقوم ذيچ الساه= وبيها الفاطمه موقف يهز العرش واركانه =وگلوب الخلك ترجف اتطلع چفوف ابو فاضل= ومن عدها الدمع يذرف تصيح ابصوت ياجبار طلع شيعتي امن النار= ابجاه المصطفى المختار وبجاه الذي بالخيل =صدره انهشم بالميدان