زينب ياعلي ابها الليل= تريد اتودع اخوتها تجول اباب المخيم= وتتعثر ابمشيتها انته اعرف يحامي الجار= ابزينب وبمصايبها ابد ما انصف وياها= الزمان اشكثر دولبها يحيدر ليلة التوديع= والتوديع يرهبها تريد اتودع بها الليل اخوتها والدموع اتسيل=ما يحتاج ابد تفصيل ولي تودع اهاليها= هاي شلون حالته گصدت يم اخوها حسين= لاچن بگلب مالوم يحيدر طبت الخيمه= وگلبها اشكثر بيه اهموم تگله يبن حامي الجار =شنهي نيتك ويه الگوم يحاجيها اويهل العين باچر عالحرب ناوين=وانتي باليسر تمشين وعگب عيني يبت حيدر= حرمنه انتي چفيلتها تگله ابشر يبن حيدر= انه اكفل يتاماكم شعدكم يخوتي من راي= انه امشي اعله مسراكم لاچن يبن حامي الجار= گلي شلون ممشاكم تمشون اوتخلوني وعگبگم يعمن اعيوني=شنهو الراي دلوني گلولي بحرمكم هاي= الوطنها شلون ردتها يحيدر زينب من حسين= عرفت مگصده ومغزاه ودين الشيده جده= اليوم ايشيده بدماه وردت باچر غريبه اتظل= زينب من عگب عيناه وگامت من اخوها حسين لاچن تهل دمع العين=عگبگم يخوتي لا وين انطي الوجه والايتام = باصرني ابمصيبتها گامت من اخوها حسين= وگصدت يم شديد الباس تلگاها يحاچيها = يزينب شو امهبطه الراس وحگ چبد الحسن يختي= ما قصر وانه العباس دونچ لبذل اوجودي وما اقصر ابمجهودي=اشحده اليوصل احدودي گالتله كفو اونعمين= ونشف بيده دمعتها اسولفلك يبو فاضل= انه چنت يم حسين غير السيف ما عدهم= اعداه عالحرب ناوين وصاني شبل حيدر= انتي باليسر تمشين يختي واليتامه هاي لميها عگب عيناي= اولو طلبت يخويه الماي انه ارويها دمع العين= وانه احفظ كفالتها ليل العاشر ابها الحال= وبعد ليل اهدعش اصعب اخوتها اعله الثره صرعه= وبنار الخيم تلهب مدري اتلم يتامة حسين= وبخيمها العده تنهب ما تدري تلم اعيال ما تدري تحامي اطفال=ومن عدها الدمع همال ردت صوتت يحسين =اتهدم الحيل صيحتها يبن امي العده وصلت= وگامت تنهب اخيامك يبن امي تعال اوشوف= وانظر حالة أيتامك يخويه الهزل جابوها= ومنهو ايرحب اعيالك وانه حرمه اوعليل اوياي يبن امي اشأشد من هاي= واطفالك تريد الماي تدري العطش اثرها= يخويه اومرد چبدتها هذا آخر وداع اوياك =يخويه اونشفت ادموعي اودعك وانه اعله الناگه= وتدري ابحنيت اضلوعي وحادي الظعن ما انصف= تدري اشاثر ابنوعي حين المر على الحومه وشفتكم يخوتي نومه=عنكم رحت مهضومه عگب ذاك الخدر والعز= اختكم هاي حالتها